Select edition
English
Հայերեն
տեղական լուրեր, գլոբալ լսարան
Երեքշաբթի, մայիսի 22, 2012 Թարմացված է 05:43
Որոնել
Հին մեթոդներ, նոր օրե՞նք. «Արտակարգ դրության իրավական ռեժիմի» մասին օրենքը ջուր է լցնում իշխանության ջրաղացին
Ոստիկանությունն ու ռազմական ստորաբաժանումները ճնշեցին ընդդիմության բողոքի ակցիան 2008-ի մարտի 1-ին, որից հետո 20 օրով արտակարգ դրություն հայտարարվեց: Քննարկվում է այն տեսակետը, որ խորհրդարանական ընտրություններից ընդամենը երեք ամիս առաջ կառավարությունը նման օրինագիծ է ներկայացնում օրենսդրին` մտավախություն ունենալով, որ կկրկնվեն 2008 թվականի մարտի 1-ի դեպքերը, երբ իրավապահ մարմինների և ընդդիմադիրների միջև հետընտրական բախումներին զոհ գնաց 10 մարդ: 2008 թվականի մարտի 1-ին ՀՀ նախագահ Ռոբերտ Քոչարյանը արտակարգ դրություն հայտարարեց, ինչը վիճարկում էր ընդդիմությունը` հայտարարելով, որ նախագահի քայլն անօրինական է, քան որ Հայաստանը չուներ արտակարգ դրության մասին օրենք: Խորհրդարանականներին օրինագիծը ներկայացնող արդարադատության նախարար Հրայր Թովմասյանը օրինագիծն ուշացած է համարում և ասում, որ օրենքը բերվել է, որպեսզի բոլոր հարաբերությունները հստակ և որոշակի կարգավորված լինեն: Անդրադառնալով քննադատություններին` նախարարն ասել է, որ ընդդիմությունը, միևնույն է, կքննադատեր, անկախ այն բանից, թե երբ առաջ կքաշվեր օրինագիծը: Ըստ օրինագծի` երկրում արտակարգ դրություն հայտարարվելու է ՀՀ սահմանադրական կարգը բռնությամբ փոփոխելու կամ տապալելու փորձի, իշխանությունը գրավելու կամ յուրացնելու ժամանակ: Թովմասյանը նշում է, որ արտակարգ դրություն հայտարարել նախատեսվում է նաև զինված խռովությունների, զանգվածային անկարգությունների, ահաբեկչական գրոհների, օկուպացիայի կամ հատուկ նշանակության օբյեկտների գրավման կամ շրջափակման դեպքում: «Զինված ուժերի միջամտությունը թույլատրելի կլինի այն դեպքում, երբ ոստիկանության և ազգային անվտանգության մարմինների ուժերը չեն բավականացնի»,- ասում է Թովմասյանը: Ընդդիմադիր պատգամավորները դեմ են բանակի օգտագործմանը, ինչը պայմանավորում են ներքաղաքական գործընթացներին բանակի միջամտության վտանգով: «Օրենքի ընդունման ելակետը 2008-ի մարտի 1-ն է: Որքանո՞վ է տեղին իշխանությանը բանակ օգտագործելու հնարավորություն ընձեռել Հայաստանում հայտնի որակով ընտրությունների անցկացման պարագայում: Իշխանությունը, որ պետք է հեռանա` չի հեռանա, կպահի իշխանությունը` հնարավորություն ունենալով օգտագործել բանակը»,- ասում է ընդդիմադիր «Ժառանգություն» խմբակցության անդամ Արմեն Մարտիրոսյանը:
Other Articles in ԱԺ 2012
|
  |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 1 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.