Select edition
English
Հայերեն
տեղական լուրեր, գլոբալ լսարան
Ուրբաթ, փետրվարի 10, 2012 Թարմացված է 00:31
Որոնել
Գրիպից մինչև ձանձրույթ. մանկապարտեզները շարունակում են մնալ փակ, իսկ երեխաները` տանը
Վերջին անգամ երեխաները մանկապարտեզ են այցելել դեկտեմբերի սկզբին: Սեզոնային գրիպի և խոզի գրիպի համաճարակի պատճառով անցյալ տարվա դեկտեմբերի 8-ից փակված մանկապարեզները կբացվեն միայն 2010-ի փետրվարի 1-ից, ի տարբերություն դպրոցների, որոնք վերաբացվեցին հունվարի 11-ին: Երևանի քաղաքապետարանի կրթության վարչության պետի տեղակալ Սիլվա Աչոյանն «ԱրմենիաՆաուին» ասաց, որ խնայողության մասին խոսք լինել չի կարող: «Մենք գրություններ ենք ստացել շատ ծնողներից ու չջեռուցվող մանկապարտեզներից, որ դրանք փակվեն: Որոշվել է բոլոր մանկապարտեզները փակել (անկախ նրանից` ջեռուցվո՞ւմ են, թե՞ ոչ), որպեսզի միասնականություն լինի: Եթե բոլորը չփակեինք, դժգոհություններ կլինեին, թե ինչո՞ւ մի մանկապարտեզը գործում է, մյուսը` ոչ»,- ասում է Աչոյանը` ավելացնելով, որ մանկապարտեզների ջեռուցումը լուրջ խնդիր է, և առաջիկա 2-3 տարիներին քաղաքապետարանը նախատեսել է լուծել այդ հարցը: ՀՀ առողջապահության նախարարի օգնական Շուշան Հունանյանը «ԱրմենիաՆաուին» տեղեկացրեց, որ նախարարության ամենօրյա մոնիթորինգի տվյալների համաձայն` սուր շնչառական վիրուսային հիվանդացության դեպքերը վերջին շրջանում պակասել են հինգ անգամ: Վերջին տվյալներով` հանրապետությունում գրանցվել է խոզի գրիպի 119 լաբորատոր հաստատված դեպք, որից 3-ը` մահվան ելքով: Փակ մանկապարտեզները մեծ դժվարություններ են ստեղծել մանկահասակ երեխաներ ունեցող ծնողների համար: Այս երկու ամիսների ընթացքում աշխատող ծնողները ստիպված են երեխաներին պահելու այլընտրանքային միջոցներ փնտրել, օրինակ` հանձնել տատիկ-պապիկների խնամքին կամ էլ դայակ վարձել, ինչը չնախատեսված լրացուցիչ ծախս է շատ ընտանիքների համար: 29-ամյա Ֆրիդա Ղազարյանը, որի երեքամյա դստերը խնամում են տատիկն ու պապիկը, թեև արդարացված է համարում համաճարակի պատճառով մանկապարտեզները փակելը, սակայն կարծում է, որ այս դադարը հատկապես վատ է անդրադառնում երեխայի վրա: «Տատիկն ու պապիկը չեն կարող ամբողջ օրը երեխայի հետ խաղալ, տանը երեխան ձանձրանում է: Քանի որ երեխան չի կարող իր եռանդը վատնել, նյարդային վիճակի մեջ է ընկնում»,- ասում է Ղազարյանը: Այդուհանդերձ, ավելի քան 50 մասնավոր մանկապարտեզներ շարունակում են գործել (ամսավճարը` 300 դոլար): Պետական մանկապարտեզների մի մասն անվճար է, մյուսները` ամսական 15-30 դոլար, որը կապված է քաղաքապետարանի որոշման հետ:
Other Articles in Սոցիալական
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 1 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.