Հարակից նյութեր

Համոզված չեն ապահովագրության հարցում. հին մոդելի ավտոմեքենաների տերերն ասում են, որ չեն ապահովագրի

Ճանապարհային կանոններ. ապահովագրական գործակալներն ակտիվացել են, քանի որ օրենքն ուժի մեջ կմտնի 1,5 ամսից

Ապահովագրություն. հունվարի մեկից սկսվում է ավտոմեքենաների պարտադիր ապահովագրության վերահսկումը

Ապահովագրություն` «դրա՞խտ», թե՞ «դժոխք» վարորդների համար. մեքենաների ապահովագրումը Հայաստանում կարող է պարտադիր դառնալ 2011 թ.

Readers' comments

• Road Rage: Opposition says insurance policy ill-timed and flawed

I only partly agree with the previous commenter. Insurance is a good thing, but it should have been introduced in Armenia slowly. First for taxis and buses that run hundreds of miles a day, then for owners of expensive cars and only then for owners of cheap cars or people who live in villages and use their cars on rare occasions. One person I know in Yerevan has a car made in 1985. He uses it only...

Read commented Article

Post a comment

Read all 2 comments

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Ավտոմեքենաների ապահովագրությունը, որը հայտնի է ԱՊՊԱ հապավմամբ, հոկտեմբերի 18-ից իրականացնում են ութ ապահովագրական ընկերություններ: Այն վարորդները, որոնք մեքենաներն ապահովագրած չեն լինի, հունվարի 1-ից կենթարկվեն մեծ տուգանքների: Ապահովագրության արժեքը տատանվում է 19.000-106.000 դրամի (մոտ 50-259 դոլար) սահմաններում` կախված մեքենայի մակնիշից, վարորդական փորձից և տարիքից:

Իսկ ընդդիմադիր Հայ ազգային կոնգրեսը (ՀԱԿ) և «Ժառանգություն» կուսակցությունը հրապարակավ խստորեն քննադատել են կառավարությանը` անկատար օրենքի և գործընթացի համար:

Դեկտեմբերի 21-ին «Ժառանգություն» կուսակցության նախաձեռնությամբ բողոքի ավտոերթեր կանցկացվեն Երևանում, Գյումրում և Վանաձորում: Ըստ կազմակերպիչների` ակցիաները կշարունակվեն այնքան, մինչև կառավարությունը վերանայի ընդունված օրենքը:

Թեև շատ վարորդներ արդեն ենթարկվել են նորամուծությանը, որը, ըստ կառավարության, բխում է աղքատ խավի շահերից և կփոխհատուցի երրորդ կողմի հասցրած վնասը, շատերն էլ բավարար գումար չունենալու կամ զգուշավորության պատճառով դեռ չեն շտապում ապահովագրել իրենց մեքենաները:

Ոստիկանության տվյալներով` Հայաստանում ներկայումս կան 450.000 ավտոմեքենա ունեցողներ, որոնց թիվը գնալով աճում է:

Ավտոմեքենա ունեցողների համար ապահովագրությունը լրացուցիչ ծախս է Նոր տարվա թանկ տոներին նախաշեմին և ընդհանուր գնաճի պայմաններում: Իրենց մեքենաները չապահովագրած վարորդները կտուգանվեն 50.000 դրամ (մոտ 170 դոլար), երբ ճանապարհատրանսպորտային ոստիկանը կանգնեցնի նրանց:

Թեև դեռ օրենքի ընդունման ժամանակ խորհրդարանական ընդդիմադիր կուսակցություններ «Ժառանգությունն» ու ՀՅԴ-ն դեմ քվեարկեցին այս օրենքին, սակայն կոալիցիոն մեծամասնության ուժերով այն ընդունվեց:

Սակայն «Ժառանգությունը» որոշել է շարունակել պայքարը`շեշտելով, որ դեմ է ոչ թե ապահովագրությանը, այլ որ այն իրականացվում է սոցիալական ծանր պայմաններում և ոչ ճիշտ սկզբունքներով:

«Մենք կփորձենք անել ամեն ինչ, որ կառավարությունը գիտակցի, որ ԱՊՊԱ-ի ներդրումն այս պահին հարմար չէ, այդ որոշումը հապշտապ է ու ավելորդ անգամ մեծացնելու է Հայաստանի բնակչության ֆինանսական ծանրաբեռնվածությունը»,- ասում է «Ժառանգություն» կուսակցության վարչության նախագահ Արմեն Մարտիրոսյանը:

Ըստ Մարտիրոսյանի` մտահոգիչ է ոչ միայն ապահովագրության ներդրման ժամանակը, այլև օրենքը, որը հնարավորություն է տալիս «ժողովրդի կեղեքման հաշվին լցնել մի քանի մասնավորների գրպանները»:

Բացի այդ, ըստ «Ժառանգության» ներկայացուցիչների` Հայաստանի իշխանությունները, խախտելով շուկայական տնտեսության սկզբունքները, ապահովագրական ընկերություններին հնարավորություն չեն տվել պոլիսների ֆիքսված գներից ցածր սակագներ սահմանել, ինչը բացառելու է ապահովագրողների մրցակցությունը և դրանից բխող ապահովագրության սակագների նվազեցումը:

Չնայած Հայ ազգային կոնգրեսը ևս դեմ է ապահովագրության այս գործընթացին, որը, ըստ ՀԱԿ-ի հայտարարության. «սոցիալական կատակլիզմի հասնող այս պայմաններում ամենևին հրատապ չէ», սակայն առաջին նախագահ Լևոն Տեր-Պետրոսյանի աջակիցները դեռ չեն պատրաստվում միանալ «Ժառանգության» ակցիային:

Թեև իշխանության անդամներից շատերն ասում են, որ ԱՊՊԱ-ն ընդդիմադիրների համար պարզապես դարձել է նոր բողոքի ալիք բարձրացնելու հարմար առիթ, սակայն նրանցից ոմանք ևս տեսնում են սոցիալական լարվածության վտանգ:

ՀՀԿ խմբակցության անդամ Ռաֆիկ Պետրոսյանն ասում է, որ ժամանակին ինքն էլ է դեմ եղել այս օրենքին, սակայն չէր կարող ընդդիմանալ կուսակցության որոշմանը:

«Ես այն ժամանակ էլ ասացի, որ սա ժողովրդին թալանելու նոր ձև է, դրանից առաջ էլ աղբահանության գները բարձրացան, անշուշտ, սա լարվածություն կստեղծի, սակայն օրենքը հնարավոր չէ չեղյալ հայտարարել»,- «ԱրմենիաՆաուին» ասում է Պետրոսյանը:

Լուծման միակ տարբերակը, ըստ Պետրոսյանի, ապահովագրության գների իջեցումն է:

Նախորդ շաբաթ խորհրդարանում օրենքի հետկանչումը մերժեց նաև ՀՀ ֆինանսների նախարար Տիգրան Դավթյանը` պատասխանելով «Ժառանգություն» խմբակցությունից պատգամավոր Մարտիրոսյանի հարցին, թե ճիշտ չի լինի հետ կանգնել այս գործընթացից:

Նախարար Դավթյանը պատասխանեց, թե «վտանգավոր է գործողություն սկսել ու կեսից փոշմանել»` հավելելով, որ ապահովագրությունն ընդունված է միջազգային պրակտիկայում:

Իսկ Մարտիրոսյանն էլ հակադարձեց, որ քաղաքացիները միջազգային չափանիշներին համապատասխանող նորմալ աշխատավարձ չեն ստանում, բացի այդ, «պետք չէ պարտադիր ձորը գլորվել ու ասել՝ քանի որ գնում ենք գլորվելու, գնանք մինչև վերջ: Կարելի է կես ճանապարհից հետ դառնալ ու սխալները նվազագույնի հասցնել»: