Select edition
English
Հայերեն
տեղական լուրեր, գլոբալ լսարան
Ուրբաթ, փետրվարի 10, 2012 Թարմացված է 03:33
Որոնել
Ընդդիմադիր պատգամավորը քննադատում է «Հանրակրթության մասին» օրենքում կատարված փոփոխությունները
Բախշյանը զայրացած է Կրթության մասին օրենքի մեջ փոփոխություններից Ուրբաթ մամուլի ասուլիսի ժամանակ ԱԺ գիտության, կրթության, մշակույթի, սպորտի և երիտասարդության հարցերի մշտական հանձնաժողովի անդամ Բախշյանը հիշեցրել է, որ վերոնշյալ օրենքի հեղինակներից է: Ազգային ժողովը «Հանրակրթության մասին» ՀՀ օրենքն ընդունել է այս տարվա հուլիսին: Սակայն արդեն դեկտեմբերի 1-ին կառավարությունն առաջարկեց օրենքում փոփոխություններ կատարել` հարուցելով հեղինակների տարակուսանքը: Այս փոփոխություններն արդեն արժանացել են խորհրդարանի հավանությանը: Բաշխյանը, մասնավորապես, քննադատել է փոփոխությունը, ըստ որի` օրենքից հանվել է այն դրույթը, որ սովորողներին առաջարկվող դասագրքերը պետք է նախ որևէ դպրոցում փորձաքննություն անցնեն և ապա միայն օգտագործվեն բոլոր դպրոցներում: Պատգամավորի խոսքով`կառավարության և պատգամավորների այդ քայլն ուղղված էր ավելի շատ հրատարակչությունների, քան աշակերտների շահերը բավարարելուն: Ընդդիմադիր պատգամավորը հավելեց, որ օրենքից հանվել է նաև սահմանամերձ և բարձրլեռնային շրջանների ուսուցիչների աշխատավարձի 50 տոկոս հավելավճարի մասին կետը: Բախշյանն ասաց, որ ապշած է օրենքի համահեղինակներից մեկի` Արմեն Աշոտյանի (ներկայիս ԿԳ նախարար) դիրքորոշմամբ: Աշոտյանը, որն Ազգային ժողովում ամռանը ղեկավարում էր կրթության և գիտության հանձնաժողովը, «բուռն պայքարում էր օրենքում այս կետերը մտցնելու համար, իսկ այսօր, արդեն նախարարի պաշտոնում, նույնքան բուռն պահանջում էր դրանք չեղյալ հայտարարել»: «Մի բան կարող եմ ասել` այս փոփոխությունների ընդունումը դրական ազդեցություն չի ունենա ո´չ կրթության արդյունավետության, ո´չ էլ որակի վրա»,- եզրափակեց իր խոսքը Բախշյանը:
Other Articles in Կրթություն
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.