Հարակից նյութեր

Քննությունների շրջան. առաջին ծանոթությունը բուհերին հիասթափեցնում է շատ հայ ուսանողների

Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Այսուհետ դիմորդները իրավունք կունենան դիմելու նաև նույն բուհի ՀՀ այլ քաղաքներում գործող մասնաճյուղեր: Նախկինում դիմորդները կարող էին մրցել միայն մեկ քաղաքում գործող բուհերի վեց վճարովի և երկու անվճար տեղերի համար:

«Այս տարի դիմորդը կարող է երկրորդ, երրորդ կամ որ հայտով ցանկանում է դիմել նաև նույն բուհի [այլ քաղաքների] մյուս մասնաճյուղեր»,- ասում է Գնահատման և թեստավորման կենտրոնի (ԳԹԿ) մշակումների և կազմակերպական բաժնի պետ Կարո Նասիբյանը:

Նասիբյանն ասում է, որ թեև փոփոխությունները շատ կտրուկ չեն, սակայն դրանք ավելի են հեշտացնում դիմորդների և ԳԹԿ մասնագետների գործը:

ԳԹԿ-ը փոփոխություններ է մտցրել նաև շրջանավարտների վարքի կանոններում:

«Եթե նախկինում, անկախ նրանից, թե ինչ կանոն էր խախտում դիմորդը, մենք նախապես զգուշացնում էինք, գրանցում էինք զգուշացումը և միայն երկրորդ զգուշացումից հետո կարող էինք նրան հեռացնել քննասենյակից, ապա այժմ կան խախտումներ, որ կարգը թույլ է տալիս դիմորդին անմիջապես հեռացնել լսարանից` նրան անբավարար գնահատական նշանակելով»,- ասում է Նասիբյանը:

Առաջին զգուշացումից հետո դիմորդին կարող են հեռացնել քննասենյակից, եթե նրա մոտ բջջային հեռախոս են հայտնաբերել (քննասենյակներում գործում է բջջային հեռախոսները խլացնող սարք, սակայն որոշ դիմորդներ քննասենյակից դուրս գալու թույլտվություն են խնդրում և զանգահարում միջանցքներում), կամ եթե նա օգտվել է ծածկաթերթիկից:

Իրար հետ խոսելու կամ իրար հուշելու դեպքում դիմորդներին քննասենյակից կհեռացնեն երկրորդ զգուշացումից հետո:

Այս տարի միասնական քննություններ (դրանք կսկսվեն հունիսի 1-ից) հանձնելու հայտ է ներկայացրել 17 665 շրջանավարտ, որը մոտ 1500 դիմորդով պակաս է անցյալ տարվա դիմորդների թվից: