Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Իրանահայ Ֆրեդերիկ Սաֆարյանի ցողունային բջիջները համընկել են Բելգիայում բնակվող ազգությամբ ոչ հայ արյան ծանր հիվանդություն ունեցող մի կնոջ ցողունային բջիջների հետ: Հենց այս գիշեր`հունիսի 17-ին, իրականացվել է փոխպատվաստումը:

Նման կենտրոն նախկին ԽՍՀՄ հանրապետություններից գործում է միայն Հայաստանում: Այն արյան մահացու հիվանդություններով տառապող հայ և այլազգի հիվանդների կյանքի փրկության նպատակով արդեն 11 տարի գործող «Ոսկրածուծի դոնորների հայկական ռեեստր» (ՈԴՀՌ) բարեգործական կազմակերպության մի մասն է:

Մինչ օրս ռեեստրում կամավորագրվել է մոտ 16000 դոնոր, ռեեստր դիմած 1276 հիվանդից համընկնում եղել է 821-ի մոտ, և հաջողությամբ իրականացվել է 10 փոխպատվաստում, ի թիվս որոնց սա առաջինն էր բարեգործական կազմակերպության պատմության մեջ` որպես ցողունային բջիջների փոխպատվաստման փորձ:

Այս ծրագրի ուղղությամբ աշխատող բժիշկ Միհրան Նազարեթյանի խոսքով` նման հաջողությունը ոչ միայն մարդու կյանք է փրկում, այլև հեռանկարային կարող է լինել հայ բժշկության համար:

«Մենք ցանկանում ենք ոչ միայն դոնորներ տրամադրել, այլև ստեղծել փոխպատվաստման կենտրոն հենց Հայաստանում, որը, բնականաբար, հարյուր հազարավոր դոլարներ կարժենա, բայց մենք համարում ենք, որ այդ նպատակին հասնելու համար աշխատանքների 70 տոկոսն արդեն իսկ կատարված է»,- «ԱրմենիաՆաուին» հայտնեց Նազարեթյանը: