Հայկական ակնաբուժության նախագիծը (ՀԱՆ) Հայաստանում մեկնարկում է աչքի անհասության ռետինոպաթիա հիվանդության ակնային զննումների և բուժման ծրագիր, որը կգործարկվի նորածինների վերակենդանացման և ինտենսիվ թերապիայի Երևանի մի շարք բաժանմունքներում:
Անհասության ռետինոպաթիան (ԱՌ) հանգեցնում է հասուն և անհաս ցանցաթաղանթի դեղին բծի ձգումների, ցանցաթաղանթի շերտազատման և կնճռոտման, որն էլ իր հերթին հանգեցնում է կուրության մանկական հասակում: ԱՌ ռիսկի խումբ է համարվում 1500 գրամից պակաս քաշով, 30 շաբաթից պակաս տարիքով ծնված նորածինը:
Հայաստանում տարեկան ծնվում են ԱՌ ռիսկային խմբին պատկանող 500-600 երեխաներ, և նրանց աչքի խնդիրները բուժման գործելակարգերի բացակայության պատճառով հայտնաբերվում են ավելի ուշ տարիքում, երբ բուժումն արդեն նվազ արդյունավետ է:
Նախքան ծրագրի գործնական մասի մեկնարկը ՀԱՆ-ը Հայաստանում հունիսի 28-30-ը սկսել է «ԱՌ կանխարգելումը Հայաստանում» թեմայով համաժողով:
Համաժողովի բացմանը ՀՀ գլխավոր ակնաբույժ, ՀԱՆ բժշկական տնօրեն Ալեքսանդր Մալայանն ասաց, որ հիվանդությունը կարող է առաջանալ հղիության ընթացքում առաջացած տարբեր բարդություններից, և դեպքերի 70 տոկոսը հանգեցնում է անդառնալի կուրության: Ըստ Մալայանի` նորածնի աչքը զննելը շատ դժվար է, ինչի համար պահանջվում են որակյալ մասնագետներ:
«Հետևաբար, այս ծրագիրը, որ մեզ հաջողվեց կյանքի կոչել Հայաստանում, մեծ նվաճում է ակնաբուժական կլինիկայի և նեոնատալոգիայի պատմության մեջ»,- ասաց նա:
Ինչպես «ԱրմենիաՆաուին» տեղեկացրեց ՀԱՆ հանրային կապերի պատասխանատու Մինաս Համբարձումյանը, համաժողովից հետո արտասահմանցի մասնագետները հայ բժիշկներին կծանոթացնեն ԱՌ-ը հայտնաբերելու նպատակով ձեռք բերված սարքավորումների` ռետինալ ֆոտոխցիկների աշխատանքին, ինչպես նաև կվերապատրաստեն նրանց:
«Բացի այդ, հեռաբժշկության միջոցով (հետագայում ռետինալ ֆոտոխցիկներով արված պատկերները կուղարկվեն նրանց) նրանք [միջազգային մասնագետները] կկարողանան համապատասխան մասնագիտական խորհրդատվություն տալ տեղի [հայ] բժիշկներին»,- ասաց Համբարձումյանը:
Ծրագրի շրջանակներում մինչև 7 տարեկան երեխաների բուժումը կլինի պետպատվերի շրջանակներում, իսկ մեծահասակների համար (որոնք մինչ այդ գուցե անտեղյակ են եղել իրենց հիվանդության մասին) բուժումը ևս մատչելի կլինի:
English
Հայերեն
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.