Իշխանությունները սահմանափակել են կառավարությունը ազատ եղանակով փոխելու քաղաքացիների իրավունքը մայրաքաղաք Երևանի ավագանու ընտրություններում: 2009-ի ընթացքում իշխանությունները հետապնդել են քաղաքական ընդդիմախոսներին, կամայական ձերբակալություններ են կատարել, մարդկանց իրենց քաղաքական ակտիվության համար երկար ժամանակ պահել են նախնական կալանքի մեջ:

Հինգշաբթի` փետրվարի 25-ին, կայացած մամլո ասուլիսում ՀՀ մարդու իրավունքների պաշտպանը, խոսելով վերջին շրջանում Հայաստանում սահմանադրական դրույթների խախտման մասին, ասաց, որ, եթե իրավիճակն այսպես շարունակվի, ապա «15-20 տարուց Հայաստանի Հանրապետությունը կվերածվի Հայաստանի ռեզերվացիայի»:

Սումգայիթի եւ Բաքվի ողբերգական իրադարձությունների, հայազգի բնակչության դեմ իրագործած ջարդերի տարելիցի կապակցությամբ ՄԱԿ-ում, որպես այդ կազմակերպության պաշտոնական փաստաթուղթ, տարածվել է Գլխավոր քարտուղար Բան Կի-մունին ուղղված ՀՀ մշտական ներկայացուցիչ, դեսպան Կարեն Նազարյանի նամակը: Նամակում, հղում կատարելով միջազգային հանրության ապակողմնորոշմանն ուղղված Ադրբեջանի կառավարության կողմից շարունակաբար տարածվող էժանագին քարոզչությանն ու ստահոդ փաստերին, նշվում է. ,Ադրբեջանը շարունակում է իրեն ներկայացնել այսպես կոչված ,հայկական ագրեսիայիե զոհ' այդ նպատակով աղավաղելով ոչ միայն աշխարհին քաջ հայտնի ողբերգական դեպքերը, այլեւ' ժամանակին ադրբեջանական աղբյուրների վկայակոչումներըե:

ՀՀ մարդու իրավունքների պաշտպան Արմեն Հարությունյանն այսօր նամակ է ուղղել ՀՀ ոստիկանության պետին` նրա ուշադրությունը հրավիրելով ձերբակալվածների`պաշտպան ունենալու իրավունքի խախտումների վրա, և ակնկալելով, որ գեներալ-մայոր Ալիկ Սարգսյանը հանձնարարական կտա ոստիկանության բոլոր ստորաբաժանումներին` ապահովելու մարդկանց արգելանքի վերցնելիս կամ բերման ենթարկելիս այդ իրավունքի իրականացումը:

Աղմկահարույց հայկական թերթը, որը հայտնի է հասարակական և քաղաքական գործիչներին վարկաբեկող իր հոդվածներով, անցյալ տարի ԱԺ պատգամավորներից մեկի մասին վիրավորական հոդված էր հրապարակել, սակայն հզոր հովանավորության շնորհիվ շարունակում է հաջողությամբ խույս տալ պատասխանատվությունից:

Երկու տարուց ավելի պայքարից հետո ժամկետային զինծառայողի ծնողները կարողացան հասնել նրան, որ դատարանը հերքեց իրենց որդու` երկու զինվորականների անփութության պատճառով էլեկտրահարվելուց մահանալու վարկածը, և գործը նորից հետ ուղարկվեց զինվորական դատախազություն: Նրանք շարունակում են կասկածել, որ եղել է կանխամտած սպանություն, և վերևներում փորձում են կոծկել այս գործը: Ծնողները նաև հուսով են, որ փաստերի լրացուցիչ ուսումնասիրությունը լույս կսփռի գործի վրա:

Ըստ խոսքի ազատության պաշտպանության տեղական կազմակերպության` 2009 թ. նվազել են լրագրողների աշխատանքի հանդեպ բռնության, միջամտության, խոչընդոտների հետ կապված դեպքերը, 2008 թ. համեմատությամբ, որն այդ առումով ավելի «ագրեսիվ» տարի էր:

Ուրբաթ (դեկտեմբերի 25-ին) ՀՀ մարդու իրավունքների պաշտպանը ներկայացրեց «Արդար դատաքննության իրավունքի ապահովումը ՀՀ-ում» արտահերթ զեկույցը, որում տարբեր դատական գործերի վերլուծության միջոցով ապացուցվում է, որ Հայաստանում դատարաններն անկախ չեն, և ՀՀ քաղաքացիների արդար դատաքննության իրավունքը պաշտպանված չէ:

Դատավորը հրաժարվում է բանակում մահացած զինվորի` Տիգրան Օհանջանյանի ծնողների պահանջին համապատասխան ներկայացնել գործի իրեղեն ապացույցները և ուշադրություն չի դարձնում հոկտեմբերին արված դատաէլեկտրատեխնիկական փորձաքննության արդյունքներին: Ծնողներն ասում են, որ եթե նման ապացույցներ ներկայացվեն դատարանում, ապա իրենց որդու` անզգուշությամբ էլեկտրահարվելու վարկածը կժխտվի:

Գենդերային հավասարության ծրագրերով զբաղվող հայ մասնագետների կարծիքով` Հայաստանում ժողովրդավարությունը չի կայանա դեռ այնքան ժամանակ, քանի դեռ կանայք լիովին չեն մասնակցում ժողովրդավարական գործընթացներին: Ըստ մասնագետների` կանանց իրավունքների ոլորտում առկա հիմնախնդիրները հնարավոր կլինի լուծել նախևառաջ դրանց մասին անթաքույց խոսելով, ինչը դեռ անհնար է Հայաստանում, քանի որ հայ կանանց մեծ մասը չի ցանկանում խոսել նույնիսկ իր նկատմամբ կիրառված բռնությունների մասին: