Select edition
English
Հայերեն
տեղական լուրեր, գլոբալ լսարան
Հինգշաբթի, փետրվարի 09, 2012 Թարմացված է 04:19
Որոնել
Վիրավորի´ր, բայց հետո վճարի´ր. հույս կա, որ լրատվամիջոցների մասին օրենքը կզսպի զրպարտությունները
The National Assembly is discussing mass media related amendments package Այսուհետ լրատվամիջոցները տարածած ցանկացած զրպարտության ու վիրավորանքի համար թանկ կվճարեն` 500 հազար դրամից մինչև 1 մլն դրամ (մոտ 1300-5000 դոլար` վիրավորանքի կամ զրպարտանքի համար): Օրինագծի ընդդիմախոսները կարծում են, որ այն կդառնա «անցանկալի լրատվամիջոցներին սնանկացնելու և ֆինանսական հաշվեհարդար տեսնելու գործիք»: Գործող օրենքով` զրպարտություն և վիրավորանք պարունակող նյութերի համար լրատվամիջոցն առաջին անգամ պատժվում է տուգանքով` 100 000-500 000 դրամ (260-1300 դոլար), իսկ երկրորդ անգամ կրկնելու դեպքում` մինչև 3 տարի ժամկետով ազատազրկմամբ: Նոր նախագծով ազատազրկում չի նախատեսվում, սակայն տուգանքի չափը գրեթե քառապատկվել է: Անկախ պատգամավոր Վիկտոր Դալլաքյանը հայտարարել է, որ նախագիծն «ուղղակիորեն կապված է առաջիկա խորհրդարանական ընտրությունների հետ» և դառնալու է «մահակ իշխանությունների ձեռքին»: «Սա պարզապես սնանկացնելու միջոց է, դատարանների ոչ անկախության պարագայում դա շատ հեշտ է իրագործել»,- «ԱրմենիաՆաուին» ասում է Դալլաքյանը: Խոսքի ազատության պաշտպանության կոմիտեի փորձագետ Մեսրոպ Հարությունյանը ևս պնդում է, որ շրջանառվող նախագիծը լրատվամիջոցների քննադատությունը լռեցնելու նպատակ ունի: «Օրենքի այս նախագծի ընդունման դեպքում 2012 թ. մենք կունենանք փայլուն, անթերի ընտրություններ, քանի որ խախտումներ, ծեծեր արձանագրողներ չեն լինի: Այսինքն` տպագիր լրատվամիջոցների դաշտը կդառնա այնպիսին, ինչպիսին այսօրվա հեռուստաեթերն է»,- ասում է Հարությունյանը: Մինչդեռ օրենսդրական նախաձեռնության հեղինակների կարծիքով` նման օրենքի ընդունումը հնարավորություն կտա առողջացնելու լրատվական դաշտը՝ դուրս մղելով այն լրատվամիջոցներին, որոնք օգտագործում են անքաղաքավարի միջոցներ, այդ թվում` զրպարտանք և վիրավորանք: Հանրապետական Գալուստ Սահակյանը պնդում է, որ օրենքի այս փոփոխությունը կզսպի, բայց չի սահմանափակի խոսքի ազատությունը: «Օրենքն անհրաժեշտ է: Ի՞նչ է, վենդետայո՞վ զբաղվենք, մենք ինքնե՞րս դատաստան տեսնենք մեզ վիրավորողների հետ»,- ԱԺ ամբիոնից հարցնում է Սահակյանը: ԲՀԿ պատգամավոր Նաիրա Զոհրաբյանը, որը նախկինում ընդդիմադիր «Հայկական ժամանակ» թերթի լրագրող էր, ևս կողմ է նախագծին: «Սակայն պետք է այնպիսի ֆինանսական պատասխանատվության չափ հաստատվի, որը կզսպի զրպարտելու և վիրավորելու ցանկությունը, բայց նաև չի դառնա սնանկացնելու միջոցով լրատվամիջոց փակելու գործիք»,-«ԱրմենիաՆաուին» ասում է Զոհրաբյանը:
Other Articles in Մարդու իրավունքներ
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 1 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.