2012 թ. հունվարից հանրապետության կենսաթոշակները բարձրացվեցին շուրջ 10 տոկոսով: (Նվազագույն կենսաթոշակները, օրինակ` կբարձրանան մոտ 27 տոկոսից մինչև շուրջ 34 տոկոս):

Անցյալ տարվա վերջին որոշվեց, որ Հայաստանի աշխատանքի և սոցիալական հարցերի նախարարության փոխարեն «Հայփոստ» ընկերությունն է Երևանում կենսաթոշակների կանխիկ վճարումն իրականացնելու 90 բաժանմունքներում:

Թեև կառավարությունը, պարբերաբար բարձրացնելով թոշակները և սոցիալական նպաստները, ցույց է տալիս, որ իշխող կուսակցությունը հավատարիմ է 2007 և 2008 թթ. ընտրություններից առաջ տված խոստումներին, թոշակառուների ստացած գումարն ամբողջությամբ խժռում է սպառողական զամբյուղը, որի թանկացումը պատճառաբանվում է համաշխարհային միտումներով և տեղի եղանակային պայմաններով:

Միաժամանակ հայ օրենսդիրները Ազգային ժողովում ևս խորհրդարանական լսումների ընթացքում քննարկում են հունիսին առաջին ընթերցմամբ ընդունված կենսաթոշակային բարեփոխումներ նախատեսող կառավարության օրենսդրական փաթեթը, որը բաղկացած է հինգ տասնյակի հասնող օրինագծերից: Օրենսդրական փաթեթը ԱԺ քառօրյա նիստերի օրակարգ կմտնի երկու ամսից` երկրորդ ընթերցմամբ քննարկվելու համար:

Անցյալ շաբաթ ՀՀ ԱԺ արտահերթ նստաշրջանում քննարկվեց և առաջին ընթերցմամբ անցավ «Պետական կենսաթոշակների մասին» օրինագիծը, որի մեջ ներառված են նաև կենսաթոշակային բարեփոխումները: