Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

ԱՄՆ պետքարտուղար Քոնդոլիզա Ռայս. «Իրանը խռովում է միջազգային հանրության անդորրը, այն ահաբեկչության գլխավոր բանկիրն է»:

Իրանի նախագահ Մահմուդ Ահմադինեջադ. Իրանը «թքած ունի» Թեհրանին պատժելու ՄԱԿ-ի որոշումների վրա:

Քրիստոնյա «վերածնված» Ջորջ Բուշի կարծիքով` Իրանը «չարիքի առանցքն է»:

Մահմեդական ֆունդամենտալիստ և ահաբեկչության մեջ կասկածվող (1983 թ., Բեյրութ) Ահմադինեջադը Բուշին համարում է անհավատ:

Ռայսի կիրակի օրվա ելույթը հիշեցնող հայտարարություն վերջին անգամ լսել էինք նրա նախորդից` Քոլին Փաուելից, երբ նա վստահեցնում էր ՄԱԿ-ին, որ Իրաքը զանգվածային ոչնչացման զենք ունի:

Պարզվում է` Փաուելին ապատեղեկացրել էին: Պարզվում է` դա էական չէր:

Այժմ էլ Իրանը:

Վերջերս «Նյույորքեր» ամսագրում հրապարակված սադրիչ հոդվածում (որը Սպիտակ տունը հերքում էր) նշվում է, վկայակոչելով կառավարական աղբյուրներ, որ նախագահ Բուշը Իրան ներխուժելու ծրագրեր է ունեցել դեռ մինչև նախագահ ընտրվելը: Հիմնավոր այս հոդվածում նաև նշվում է, որ ԱՄՆ-ն աշխուժացնում է իր «ընդհատակյա» գործունեությունն Իրանում` պատրաստվելով պատերազմի` նպատակ ունենալով տապալել Ահմադինեջադին, որին ամերիկյան զինվորականությունը համարում է «պոտենցիալ Ադոլֆ Հիտլեր»:

Խոսքակռիվը տարվում է ճշգրիտ հաշվարկված հարվածներով: Կողմնակի վնասը չի սահմանափակվում հայտարարությունների հետևանքներով: Իսկ եթե խոսքից անցնեն գործի՞:

Հայաստանը գրեթե դեր չի խաղում իրանյան ծրագրում: Այդուհանդերձ, ամեն ինչ տեղի է ունենում Հայաստանի քթի տակ, և մահվան դատապարտվածը Հայաստանի պատմական հարևանն է, որը սպասում է դատավճռի կամ ի կատար ածմանը, կամ հետաձգմանը:

Տագնապը տարածաշրջանում տագնապ է բոլոր հարևան երկրների համար: Հուսալով հանդերձ, որ շիկացած բանավեճից մասնակիցների գլուխները կհովանան` մենք կարևոր համարեցինք լսել որոշ մտահոգ և քաջատեղյակ քաղաքագետների կարծիքը, թե արդյոք Իրանի շուրջ ստեղծված իրավիճակը խնդիրներ կառաջացնի նաև Հայաստանի համար:

Այս հատուկ թողարկման մեջ, որը տարբերվում է մեր ավանդական թողարկումներից, մենք ապավինում ենք իրազեկ տեսակետին, չափավորված մտորումներին ու խելամիտ վերլուծությանը և աղերսում, որ բանը պատերազմի չհասնի: