Երեքշաբթի հայտնի դարձավ, որ ամռանը կայանալիք FIBA-ի (Բասկետբոլի միջազգային ֆեդերացիա) Եվրոպայի C դիվիզիոնի առաջնությանը պատրաստվող Հայաստանի բասկետբոլի տղամարդկանց հավաքականը կգլխավորի Կարլ Բարդակյանը, որը նախկինում աշխատել է NCAA-ի (Ուսանողական սպորտի ազգային ընկերակցություն) առաջին դիվիզիոնում հանդես եկող Քլիվլենդի պետական համալսարանի թիմում որպես մարզչի օգնական:

Արման Երեմյանը դարձել է առաջին հայ թաեքվանդոիստը, որը վաստակել է օլիմպիականա խաղերի ուղեգիր:

Կիրակի Նիդերլանդներում ավարտված հեղինակավոր մրցաշարում Լևոն Արոնյանը նվաճեց գլխավոր մրցանակը:

Վեյկ ան Զեեում անցկացվող «Տատա սթիլ» ամենամյա մրցաշարի վերջին` 13-րդ մրցափուլում Արոնյանը խաղաղ դաշինք կնքեց ադրբեջանցի Թեյմուր Ռաջաբովի հետ և, իր ակտիվում ունենալով 9 միավոր, 14 գրոսմայստերների շարքում զբաղեցրեց առաջին պատվավոր հորիզոնականը:

Չորեքշաբթի Նիդերլանդներում անցկացվող «Տատա սթիլ» մրցաշարում, Լևոն Արոնյանը մեկ անգամ ևս հաղթանակ գրանցելով, ավելի ամուր հաստատվեց առաջատարի դիրքում:

Երեքշաբթի արդարադատության նախարարության հայտարարած ծրագրի շրջանակներում գրոսմայստեր Լևոն Արոնյանը հայ դատապարտյալների հետ միաժամանակյա խաղի սեանսներ կանցկացնի: Արդարադատության նախարար Հրայր Թովմասյանը լրագրողներին հայտնել է, որ մտադիր են նաև ֆուտբոլային մրցապայքար կազմակերպել:

Հայաստանի լեռնագնացների հավաքականը մեկնել է Թեհրան` մասնակցելու միջազգային ալպինիադային, որը կանցկացվի հունվարի 25-28-ը: Հայաստանի ալպինիզմի հավաքականը կայցելի Իրանի ալպինիզմի ֆեդերացիա` առաջնությունից առաջ ծանոթանալու Իրանի բարձրագույն կետի` Դեմավենդի (5671 մ) վերելքի պայմաններին: Այս մասին Panorama.am-ին հաղորդել է Հայաստանի ալպինիզմի և լեռնային տուրիզմի ֆեդերացիայի փոխնախագահ Սուրեն Դանիելյանը:

Նիդերլանդներում անցկացվող միջազգային գերմրցաշարի 9-րդ տուրում Լևոն Արոնյանի հաղթանակը և նրա հիմնական մրցակցի պարտությունը կրկին հնարավորություն տվեցին հայազգի շախմատիստին միանձնյա գլխավորելու մրցաշարային աղյուսակը:

Կին գրոսմայստեր Մարիա Կուրսովան նվաճել է չեմպիոնի կոչումը Հայաստանի շախմատի առաջնության կանանց մրցապայքարում: Նա գրեթե կես տարի առաջ էր անդամակցել Հայաստանի շախմատի ֆեդերացիային:

26-ամյա Կուրսովան Հայաստան է եկել մշտական բնակության անցյալ տարի` ամուսնանալով երկրի առաջատար գրոսմայստերներից մեկի` Արման Փաշիկյանի հետ: Նա անդամակցել է տեղի շախմատի ֆեդերացիային ու անցյալ տարվա սեպտեմբերից սկսել միջազգային մրցաշարերում ներկայացնել Հայաստանը:

Նիդերլանդներում անցկացվող շախմատի միջազգային մրցաշարում Լևոն Արոնյանը դեռևս համաքայլ է ընթանում նորվեգացի Մագնուս Կարլսենի հետ:

Հինգշաբթի Նիդերլանդներում հոլանդացի Լյուկ վան Վելիի հետ ոչ-ոքի խաղալուց հետո գրոսմայստեր Լևոն Արոնյանը միջազգային խոշոր մրցաշարում շարունակում է կիսել առաջին հորիզոնականը իր հիմնական մրցակցի` նորվեգացի Մագնուս Կարլսենի հետ, որին նա այս շաբաթ ավելի վաղ պարտվել էր «Տատա սթիլի» ընթացիկ մրցաշարում: Այժմ հինգ խաղից հետո նրանք վաստակել են հավասար միավորներ` 3,5: