Բռնցքամարտ

Հայազգի պրոֆեսիոնալ բռնցքամարտիկը շաբաթ կայանալիք մարտից առաջ խիստ սպառնալիքներ է հնչեցնում ` ավելացնելով ճնշումը:

Ավստրալիայի դրոշի ներքո հանդես եկող թեթևագույն քաշային կարգում IBF վարկածով աշխարհի չեմպիոն 32-ամյա հայազգի բռնցքամարտիկ Վիկ Դարչինյանը շատ ինքնավստահ է նոյեմբերի 1-ին կայանալիք WBC և WBA վարկածներով աշխարհի չեմպիոն Քրիստիան Միխարեսի հետ մրցամարտից առաջ: Վիկը սպառնացել է, որ «կջարդի», «կսատկացնի» ու «երկու կես կանի» նրան:

«Ես այնպես կանեմ, որ նա իրեն հիմար մարտիկ զգա, ես նրան նոկաուտի կենթարկեմ,- Միխարեսի հասցեին ասված Դարչինյանի խոսքերն է մեջբերում «MiamiHerald.com»-ը: -Նա կպատժվի»:

Օգոստոսի 2-ին Դարչինյանը (30 հաղթանակ, որից 24-ը նոկաուտով, մեկ պարտություն) դարձավ Բռնցքամարտի միջազգային ֆեդերացիայի թեթևագույն քաշային կարգով տիտղոսակիր` 5-րդ ռաունդում տեխնիկական նոկաուտի ենթարկելով Դմիտրի Կիրիլովին: Ավելի վաղ, Դարչինյանը մոտ երկուս ու կես տարի IBF վարկածով աշխարհի չեմպիոն էր:

Միևնույն ժամանակ, ինչպես հաղորդվում է, Միխարեսը (36 հաղթանակ, որից 15-ը նոկաուտով, 3 պարտություն) ավելի բարյացակամ է տրամադրված «Կատաղի ցուլի» նկատմամբ:

«Ես վատ չեմ տրամադրված Դարչինյանի նկատմամբ, միայն ինքն է խոսում: Նա իմ թշնամին չէ, նա իմ հակառակորդն է,- ասաց 27-ամյա մեքսիկացին: - Նա պարզապես շատ է սիրում խոսել, բայց ինձ դա դուր է գալիս: Դա մրցամարտն ավելի հետաքրքիր է դարձնում: Խոսքերը ոչինչ չեն նշանակում»:

Երեք գոտիների միավորման մրցամարտը կայանալու է Կալիֆորնիայում, ԱՄՆ (նոյեմբերի 1-ին, տեղական ժամանակով 21:00-ին)


Ֆուտբոլ

Չեմպիոն «Փյունիկը» այս շաբաթ մեծացրեց իրեն հետապնդող «Արարատի» միջև տարածությունը մինչև 3 միավոր և կարիք ունի ընդամենը 7 միավոր մնացած երեք խաղերում` պաշտոնապես ամրագրելու ազգային առաջնությունում իր 8-րդ անընդմեջ չեմպիոնական տիտղոսը:

Անցյալ շաբաթվա վերջին արտագնա խաղում «Փյունիկը» 2:1 հաշվով պարտության մատնեց «Շիրակին», մինչդեռ «Արարատը» սայթաքեց` 2:2 ավարտելով «Բանանցի» հետ խաղը:

Առաջնության 25-րդ տուրում «Արարատը» 2:1 հաշվով առավելության հասավ Գյումրու «Շիրակի» նկատմամբ, իսկ «Փյունիկը» 3:0 խոշոր հաշվով հաղթեց Աշտարակի «Միկայի» հետ մրցավեճում:

Մինչ ազգային գավաթի համար խաղերը շարունակվում են, «Փյունիկը» կմեկնի Կապան նոյեմբերի 4-ին մրցելու տեղի «Գանձասար» թիմի հետ, իսկ «Արարատը» կփորձի ևս 3 միավոր կորզել Աշտարակի «Միկայից»:

Մինչ այդ, Հայաստանի մինչև 17 տարեկանների ընտրանին զիջեց էստոնացիներին` արժանանալով Եվրոպայի առաջնության որակավորման փուլի խմբային մրցաշարում կանանց հավաքականի ճակատագրին: Հայաստանի մինչև 17 տարեկանների հավաքականն իր վերջին հանդիպումն անցկացնելով Իսպանիայի Տեներիֆե կղզում` պարտվեց իսպանացիներին և էստոնացիներին (0:2 և 0:1` համապատասխանաբար) և ոչ-ոքի (0:0) խաղաց Անգլիայի հավաքականի հետ: Երեք խաղում վաստակելով ընդամենը 1 միավոր` Հայաստանը խմբում գրավեց վերջին տեղը:

(Աղբյուրը` Հայաստանի ֆուտբոլի ֆեդերացիա)