Select edition
English
Հայերեն
տեղական լուրեր, գլոբալ լսարան
Հինգշաբթի, փետրվարի 09, 2012 Թարմացված է 04:19
Որոնել
Բասկետբոլ. «Հատիսի» հաղթարշավն ավարտվեց Եվրոպայի գավաթի խաղարկությունում կրած երկրորդ պարտությամբ
«Հատիսը» պարտություն կրեց «Նադեժդայից»՝ 80-65 հաշվով Հունվարի 7-ին Երևանում տեղի ունեցած առաջին խաղը ևս ավարտվել էր ռուս բասկետբոլիստուհիների հաղթանակով` 80:69 հաշվով: Հայաստանի բասկետբոլի ֆեդերացիայի նախագահ Հրաչ Ռոստոմյանի խոսքով` Օրենբուրգում «Հատիսի» խաղացողներից միայն ութն էին խաղում, որոնցից երկուսը` Աննա Բաղդոյանը և Տաթևիկ Ալեքսանյանը, խաղահրապարակում հաշված վայրկյաններ են անցկացրել: («Հատիսը» սահմանափակ թվով պահեստային խաղացողների ունի:) Միլիցա Դաբովիչը «Հատիսին» 24 միավոր բերեց, և երկրորդ խաղակեսում Երևանի ակումբը նույնիսկ մի պահ 9 միավորի առավելությամբ (30:21) հաղթում էր: Սակայն Դաբովիչը հոգնել էր, իսկ նրա սերբ թիմակից Բոյանա Վուլիչը (թիմի ավագ) վնասվածքով էր խաղում և կարողացավ ընդամենը 11 միավոր վաստակել (մինչդեռ յուրաքանչյուր խաղում նրան հաջողվում էր միջինը 20 միավոր բերել իր թիմին): Սա առաջին անգամ էր, որ հայաստանյան ակումբը մասնակցում էր եվրոպական մրցաշարի և կարողացավ հասնել փլեյ-օֆ փուլ: Կարճ ժամանակում «Հատիսին» հաջողվեց արթնացնել հայ մարզասերների հետաքրքրությունը բասկետբոլի նկատմամբ: Թիմի մրցելույթները դիտելու համար 1250 տեղանոց «Միկա» մարզադահլիճը սովորաբար լեփ-լեցուն է մարզասերներով: Թեև Հայաստանի մարզական կյանք վերադարձած թիմը հաճելի անակնկալ է մարզասերների համար, ակումբի ղեկավարներն ասում են, որ ապագա ծրագրերը դեռևս հստակ չեն:
Other Articles in Բասկետբոլ
|
 |
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.