Ֆոտոլուր
Հայաստանը պարտություն է կրել Մալթայի ընտրանուց՝ 74:65
Թեև շաբաթ ՖԻԲԱ-ի կանանց բասկետբոլի C դիվիզիոնի մրցաշարում Հայաստանի ընտրանին պարտություն կրեց (74:65) Մալթայի հավաքականից, նրան հաջողվեց անցնել եվրոպական բասկետբոլի ավելի բարձր դիվիզիոն:
Անցյալ տարի հայտնի «Հատիս» բասկետբոլային ակումբի վերակենդանացումից հետո այս մրցաշարը Հայաստանի համար երկրորդ լուրջ փորձությունն էր, որը հավաքականը հաջողությամբ հաղթահարեց` անցնելով B դիվիզիոն, որտեղ Հայաստանի ընտրանուն, ինչպես ենթադրվում է, ավելի լուրջ մրցակցություն է սպասվում: (ՖԻԲԱ-ն բաղկացած է երեք դիվիզիոնից, որոնցից A-ն ամենաբարձրն է:)
2011 թ. գարնանը մեկնարկող մրցաշրջանում` B դիվիզիոնում, Հայաստանի ընտրանին կխաղա մոտ երկու տասնյակ երկրների ներկայացուցիչների հետ: Հայաստանի բասկետբոլի ֆեդերացիայի նախագահ Հրաչյա Ռոստոմյանն «ԱրմենիաՆաուին» ասել է, որ այս դիվիզիոնի վիճակահանությունը կլինի հաջորդ տարվա մարտին: Դեռևս ստույգ հայտնի չէ, թե որ հավաքականներն են ընդգրկվելու B դիվիզիոնում, քանի որ այստեղ պայքարը կավարտվի օգոստոսին:
«Այնտեղից A դիվիզիոն անցնելը մեզ համար ավելի դժվար կլինի, քանի որ B դիվիզիոնում շատ ուժեղ հավաքականներ կան: Այդ պատճառով մեզ համար կարևոր է փորձել այնտեղ ամրապնդվել»,- ասել է Ռոստոմյանը:
Շաբաթ Երևանում անցկացված մրցաշարի (որին ութ հավաքական էր մասնակցում) վերջին խաղից առաջ Հայաստանի ընտրանին 4 փայլուն խաղ էր անցկացրել` հաղթանակ տանելով բոլոր խաղերում: Նախքան C դիվիզիոնի չեմպիոն Մալթայի հետ հանդիպելը Հայաստանի ներկայացուցիչները բոլոր խաղերում երկնիշ թվով են առավելության հասել մրցակիցների նկատմամբ:
Հայաստանի հավաքականը արդեն խաղակեսին հայտնվել էր ծանր կացության մեջ և մրցակցից հետ էր մնում 36:23 հաշվով, սակայն Գիա Ղազանչյանի սաները հաշվի մեջ տարբերությունը հասցրեցին մեկ միավորի: Խաղավարտից գրեթե չորս րոպե առաջ Մալթայի ներկայացուցիչները Հայաստանի ընտրանուց առաջ էին ընդամենը 3 միավորով (62:59), սակայն Մալթայի հավաքականը հանդիպման վերջնամասում թույլ չտվեց տանտերերին նվազեցնել 5 միավորի տարբերությունը:
«Միկա» մարզահամալիրում հավաքվել էին 1900 մարզասեր` այդ կերպ, խաղը դիտելու առումով, ռեկորդ սահմանելով ՖԻԲԱ-ի քիչ ժողովրդականություն վայելող դիվիզիոնի մրցաշարի համար:
Հայաստանի ընտրանու և մարզասերների համար ուրախալի էր ազգային հավաքականում ընդգրկված երեք ամերիկացիներից Քրիստինե Քեփենեկյանի (ծնվել է Երևանում) հաջողությունը, որը ճանաչվել է մրցաշարի ամենաարդյունավետ խաղացողը:
Հայաստանի հավաքականը ոչ մի անգամ թույլ չտվեց մրցակցին հանգիստ զգալ իրեն, իսկ Մալթայի հետ խաղում Քեփենեկյանի երեք միավորանոց գնդակը կրճատեց հաշիվը 62:59-ի, երբ խաղավարտին մնացել էր 4:18 րոպե: Հինգ խաղերի ընթացքում Քեփենեկյանին հաջողվել է իր հաշվին գրանցել միջինը 22 միավոր և 7 անդրադարձ գնդակ: Նրանից մի փոքր հետ է մնում նրա թիմակից Ամանդա Ջեքսոնը (21,8 միավոր և 7,6 անդրադարձ գնդակի տիրապետում):
English
Հայերեն
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.