Եվրագավաթի ընթացիկ խաղարկությունում երկու խաղում նույնքան պարտություն կրելով` Երևանի կանանց բասկետբոլի ակումբ «Հատիսը» հայտարարել է, որ ակումբը պայմանագիր է կնքել երկու նոր բասկետբոլիստուհիների հետ: Թիմի մարզիչը հույս է հայտնել, որ նոր խաղացողները կուժեղացնեն «Հատիսի» կազմը:
Երկուշաբթի «Հատիսի» պաշտոնական կայքի տեղեկացմամբ`ակումբի կազմը համալրեցին Իվանա Պոդրուգը (Խորվաթիա) և Օլիմպիա Սկոտը (ԱՄՆ)։ Բարձրահասակ բասկետբոլիստուհիներն արդեն ժամանել են Երևան և նախապատրաստվում են Եվրագավաթի խաղարկության շրջանակներում այս շաբաթ ավելի ուշ կայանալիք հաջորդ մրցավեճին։
«Մեր նորեկները բավական փորձառու խաղացողներ են։ Հույս ունենք, որ նրանք կուժեղացնեն «Հատիսի» կազմը»,- կայքի (www.hatis.am) հաղորդմամբ` ասել է թիմի գլխավոր մարզիչ Գիա Ղազանչյանը։
Կալիֆոռնիացի 34-ամյա Սկոտը մինչև 2007 թ. հանդես է եկել WNBA-ում (Կանանց բասկետբոլի ազգային ընկերակցություն): Նա նաև խաղացել է Ռուսաստանում և Թուրքիայում, ինչպես նաև աշխատել որպես համալսարանական թիմի մարզիչ:
26-ամյա Պոդրուգը խաղացել է «Զագրեբում» (Խորվաթիա) և Արևելյան Եվրոպայի մի շարք թիմերում: Իր մարզական կարիերայի ընթացքում Պոդրուգն աչքի է ընկել նաև «Հափոել Թել Ավիվում» և Հունաստանի «Լարիսա» բասկետբոլային ակումբում:
Նոյեմբերի 4-ին «Հատիսը» միջազգային բասկետբոլը կրկին բերել էր Երևան, սակայն կանանց թիմի հայ երկրպագուների համար ուրախանալու քիչ առիթ եղավ, քանի որ FIBA-ի 2010/2011 Եվրագավաթի խաղարկության ժամանակ թիմը երկրորդ անընդմեջ պարտությունը կրեց` 82:69 հաշվով զիջելով Իսրայելի «Էլիտզուր Ռամլային»:
Անցյալ ամսվա վերջին «Հատիսը» Եվրագավաթի խաղարկության առաջին խաղում դարձյալ պարտություն էր կրել (79:50 հաշվով) F խմբի մյուս մրցակցի` «Դինամոյի» հետ արտագնա խաղում:
«Հատիսը», որ դեռևս պահպանում է փլեյ օֆ դուրս գալու հնարավորությունները, նոյեմբերի 18-ին կհյուրընկալի Նովոսիբիրսկի ակումբին, այնուհետև կմեկնի Իսրայել` նոյեմբերի 25-ին խմբային փուլի շրջանակներում անցկացնելու վերջին հանդիպումը:
Գլխավոր մարզիչ Ղազանչյանն ասում է, որ «Հատիսի» հիմնական կենտրոնական խաղացողը` Էրիկա Դեվիսը, չի կարողանա մասնակցել այս շաբաթ կայանալիք «Դինամո» ակումբի հետ մրցավեճին:
«Առանց նրա շատ բարդ կլիներ, և մենք արագորեն սկսեցինք սելեկցիոն աշխատանքները։ Օլիմպիա Սկոտը (188 սմ, 80 կգ) հանդես է գալիս կենտրոնականի դիրքում»,- հավելել է գլխավոր մարզիչը:
«Հատիսը», որը մասնակցում էր ԽՍՀՄ բարձրագույն խմբերի մրցաշարերում, անցյալ տարի` երկու տասնամյակ անց, վերադարձավ մեծ սպորտ: Իր մարզական պատմության մեջ առաջին անգամ Երևանի ակումբը, մասնակցելով եվրոպական մրցաշարին (2009-2010 թթ. Եվրոպայի գավաթի խաղարկություն), հաճելի անակնկալ մատուցեց հայ երկրպագուներին` փայլուն խաղ ցույց տալով որակավորման փուլում և հասնելով փլեյ օֆ:
Պահպանելով անցյալ տարվա կազմից մի շարք խաղացողների` «Հատիսն» այս տարի իր թիմը համալրեց մի քանի նոր բասկետբոլիստուհիներով, այդ թվում` Քրիստինե Քեփենեկյանը, որն ընդունել է Հայաստանի քաղաքացիություն և խաղացել ազգային հավաքականում, ամերիկացի Քուիանա Չենին, կանադացի Կաելա Չապդելայնեն, խորվաթ Մարտինա Զուբակը և այլք:
English
Հայերեն
.jpg "Ղարաբաղի հարց. կարո՞ղ է արդյոք ամենափոքր նահանգի բանաձևը Արևմուտքի վերաբերմունքը Հայաստանի նկատմամբ փոխելու նշան դառնալ")
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.