Photo: www.myspace.com/darchinyan
Հինգշաբթի երեկոյան Ավստրալիայի Պարամատա քաղաքում WBC և WBA վարկածներով գերթեթև քաշային կարգում պրոֆեսիոնալ բռնցքամարտի չեմպիոն Վիկ Դարչինյանը (35 հաղթանակ` 27-ը նոկաուտով, 2 պարտություն, 1 ոչ-ոքի) ավելի բարձր` թեթևագույն քաշային կարգում իր ուժերը չափեց Էրիկ Բարսելոնայի (51 հաղթանակ` 19-ը նոկաուտով, 18 պարտություն, 4 ոչ-ոքի) հետ: Մրցակիցները պայքարում էին IBO վարկածով թեթևագույն քաշային կարգում թափուր գոտու համար:
12 ռաունդ տևած մրցամարտում Դարչինյանը երեք անգամ նոկդաունի ենթարկեց ֆիլիպինցի ուժեղ մրցակցին` հաղթանակ տոնելով 120:103, 118:105 և 116:108 ընդհանուր հաշվով: Բարսելոնան ևս երկու միավոր կորցրեց գոտկատեղից ներքև հարվածելու համար:
Դարչինյանն ասաց, որ ձախ ձեռքի վնասվածքը խանգարեց իրեն` օգտագործելու իր հուժկու հարվածները: «Ես թույլ էի հարվածում»,- ասել է նա:
«Յուրաքանչյուր հարվածից հետո ստիպված էի հանգստանալ: Ձեռքս դեռ չէր լավացել և ամեն անգամ հարվածելիս ցավում էր: Շտապում էի նոկաուտի ենթարկել մրցակցիս, բայց չէր ստացվում: Շատ դժգոհ եմ ելույթիցս»:
Դարչինյանը նոկդաունի ենթարկեց մրցակցին 5-րդ և 11-րդ ռաունդներում, սակայն չկարողացավ վնասված ձեռքով գործի դնել իր հուժկու հարվածը:
Հայազգի բռնցքամարտիկն այժմ կհանգստանա մինչև չեմպիոնի գոտիներ նվաճելու հաղթարշավը շարունակելը:
«Հիմա մի քանի շաբաթ կհանգստանամ: Ձեռքս լավանալուց հետո կվերադառնամ ռինգ նոր գոտիներ նվաճելու»:
English
Հայերեն
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.