Select edition
English
Հայերեն
տեղական լուրեր, գլոբալ լսարան
Չորեքշաբթի, մայիսի 23, 2012 Թարմացված է 04:09
Որոնել
Արքայական ընծա. hայազգի բռնցքամարտի արքան 100.000 եվրոյի նվիրատվություն կանի Երևանի մարզադպրոցին
Ծնունդով երևանցի 31-ամյա Աբրահամը (Ավետիք Աբրահամյանը) փայլուն մարզական կարիերա է ունեցել պրոֆեսիոնալ բռնցքամարտում` ապրելով և մարզվելով Գերմանիայում: Մի քանի տարի առաջ «Արթուր արքա» մականվամբ նա հայտնի դարձավ տարիներ շարունակ տևած իր հաղթարշավով: Անպարտելի մնալով միջին քաշային կարգում` Աբրահամն ի վերջո 2009 թ. որոշեց հանձնել IBF վարկածով չեմպիոնի իր գոտին և տեղափոխվել ավելի բարձր գերմիջին քաշային կարգ, որպեսզի մասնակցի «Սուպերվեցնյակ» մրցաշարին, որտեղ խաղարկվում են WBA և WBC վարկածներով գերմիջին քաշային կարգի չեմպիոնի գոտիները: Չնայած մրցաշարում կրած մի քանի պարտությանը` Աբրահամը շարունակում միջազգային լայն հեղինակություն վայելել և Հայաստանում բազմաթիվ սկսնակ բռնցքամարտիկների համար մնալ որպես ընդօրինակման տիպար: Իր ողջ մարզական կարիերայի ընթացքում Աբրահամը ցույց է տվել իր «հայությունը» թե´ ռինգում և թե´ դրանից դուրս: Նա պարբերաբար այցելում է հայրենիք` արժանանալով թե´ հայաստանցիների և թե´ սփյուռքահայերի հարգանքին: Ամառային արձակուրդի ընթացքում Հայաստան կատարած վերջին այցի ժամանակ Աբրահամը հայտարարել է, որ ծրագրում է Երևանում բռնցքամարտի դպրոց հիմնել (մի քանի տարի հետո բռնցքամարտիկի կարիերան ավարտելուց հետո), որը հնարավորություն կտա ապագա հայ բռնցքամարտիկներին մարզվել իրենց երկրում: Սակայն մինչ այդ հայտնի բռնցքամարտիկը որոշել է բռնցքամարտի համար անհրաժեշտ թանկարժեք պարագաներ նվիրել Վլադիմիր Ենգիբարյանի անվան բռնցքամարտի օլիմպիական մանկապատանեկան մարզադպրոցին: Չորեքշաբթի Աբրահամը մարզադպրոցին հանդիսավոր պայմաններում կնվիրի մարզական գույք, տանձիկներ, բռնցքամարտի «թաթիկներ», բռնցքամարտիկների համար նախատեսված շապիկներ, վարտիքներ, մարզակոշիկներ, մարզահագուստ, պայուսակներ, ձեռնոցներ, գլխարկներ և այլն: «Այս քայլով ուզում եմ երախտագիտությունս և խորին շնորհակալությունս հայտնել իմ մարզադպրոցին, որտեղ ժամանակին մարզվել եմ, և որն ինձ օգնել է հետագայում արդյունքների հասնել»,- ասել է Աբրահամը և հավելել, որ այսօր Հայաստանում շատ են խոստումնալից բռնցքամարտիկները և լավ մարզիչները:
Other Articles in Բռնցքամարտ
|
  |
ԱրմենիաՆաուի էջերում
.jpg "Ղարաբաղի հարց. կարո՞ղ է արդյոք ամենափոքր նահանգի բանաձևը Արևմուտքի վերաբերմունքը Հայաստանի նկատմամբ փոխելու նշան դառնալ")
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 2 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.