Ադրբեջանի մայրաքաղաք Բաքվում կայանալիք աշխարհի առաջնության ժամանակ Հայաստանի և Ռուսաստանի հավաքականները կբնակվեն մյուս թիմերից առանձին:
Ըստ Ռուսաստանի բռնցքամարտի ֆեդերացիայի գործադիր տնօրեն Եվգենի Սուդակովի` նման պայմանավորվածություն ձեռք է բերվել Ադրբեջանի բռնցքամարտի ֆեդերացիայի հետ:
Պաշտոնյան բացատրել է, որ Ռուսաստանի թիմում նույնպես կան հայ բռնցքամարտիկներ` Դավիթ Հայրապետյանը (49 կգ) և Միշա Ալոյանը (52 կգ):
Ադրբեջանի մարզական ոլորտի պաշտոնյաները խոստացել են, որ անվտանգության համանման միջոցառումներ կձեռնարկվեն առաջնության անցկացման վայրում, որտեղ պետք է հանդես գան հայ մարզիկները:
Հայաստանի հավաքականի կազմում հանդես կգան հինգ պաշտոնյա և ութ բռնցքամարտիկ, այդ թվում` Հովհաննես Դանիելյանը (49 կգ ք/կ), Հովհաննես Բոչկովը (56 կգ ք/կ), Վլադիմիր Սարուխանյանը (60 կգ ք/կ), Հրաչիկ Ջավախյանը (64 կգ ք/կ), Սամվել Մաթևոսյանը (69 կգ ք/կ), Անդրանիկ Հակոբյանը (75 կգ ք/կ), Արթուր Խաչատրյանը (81 կգ ք/կ) և Արմեն Սիմոնյանը (+91 կգ ք/կ):
Սեպտեմբերի 26-ից հոկտեմբերի 10-ը Բաքվում կայանալիք առաջնությանը կմասնակցեն 127 երկրի 685 մարզիկներ: Օլիմպիական ուղեգրեր կարող են նվաճել 1-8-րդ տեղերը զբաղեցրած բռնցքամարտիկները:
English
Հայերեն
.jpg "Ղարաբաղի հարց. կարո՞ղ է արդյոք ամենափոքր նահանգի բանաձևը Արևմուտքի վերաբերմունքը Հայաստանի նկատմամբ փոխելու նշան դառնալ")
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.