Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Ամեն օր երեկոյան հեռուստատեսությամբ լուրերով հայ գրոսմայստերների մասին խոսում են որպես սպորտի աստղերի, իսկ հաղթանակները նշում ինչպես ազգային տոն. Հայաստանում շախմատը սպորտի արքան է:


Փոքր, մեկուսացված և աղքատ երկրների շարքին դասվող նախկին խորհրդային Հայաստանը, այդուհանդերձ, շախմատային աշխարհում գերտերություն է, որը հաղթանակներ է տոնում միջազգային մրցաշարերում և բարձր հորիզոնականներ զբաղեցնում վարկանիշային աղյուսակներում:

Մինչ Հայաստանի հավաքականը պատրաստվում է սեպտեմբերին Ռուսաստանի Խանտի Մանսիյսկ քաղաքում կայանալիք շախմատի օլիմպիադային, երկիրը, որտեղ շախմատի նկատմամբ առանձնակի վերաբերմունք կա, օլիմպիադային սպասում է այնպիսի մոլեգին ոգևորությամբ, ինչպես շատ երկրներում ֆուտբոլի աշխարհի գավաթի խաղերին:

«Հայերը խիստ տարված են շախմատով»,- ասում է Լյուդվիգ Շառոյանը, որը Երևանում Հայաստանի շախմատի տանը գարնան մի օր բազմաթիվ այլ մարդկանց նման արագ շախմատ է խաղում:

«Երբ երկիրդ ինչ-որ մարզաձևից ուժեղ է, մարդիկ սկսում են ավելի շատ երկրպագել այն: Իսկ հայերը շախմատից շատ ուժեղ են»,- ասում է նա:

Թեև Հայաստանն ընդամենը 3,2 մլն բնակչություն ունի, վերջին տարիներին կարողացել է գերազանցել ավանդաբար շախմատային այնպիսի գերտերությունների, ինչպիսիք են Ռուսաստանը և ԱՄՆ-ը, ինչպես նաև նոր հառնող աստղեր Չինաստանն և Հնդկաստանը:

Հայաստանի շախմատի հավաքականն նախորդ երկու շախմատի օլիմպիադաներում (2006 և 2008 թթ.) նվաճել է ոսկե մեդալ, իսկ դրանցից առաջ անցկացվող երկուսում` բրոնզե: Հայաստանն ունի 30 գրոսմայստեր: Այս կոչման են արժանացել աշխարհի ավելի քան 1000 լավագույն շախմատիստներ:

Աշխարհի լավագույն 100 շախմատիստների շարքում ընդգրկվածների թվով Հայաստանը երկրորդն է (երեք գրոսմայստեր) ԱՄՆ-ից հետո` նրան զիջելով մեկ շախմատիստով:

Ամբողջական հոդվածն անգլերենով կարող եք կարդալ այստեղ