Վրացուհի Նանա Ձագնիձեին անհրաժեշտ է ոչ-ոքի խաղալ Հայաստանի առողջարանային քաղաքներից մեկում անցկացվող ՖԻԴԵ-ի կանանց «Գրան պրի» մրցաշարի վերջին` 11-րդ մրցափուլում:
Ջերմուկում անցկացված տասը մրցափուլից հետո վրացուհի գրոսմայստերը վաստակել է 8,5 միավոր: Ռուսաստանը ներկայացնող Տատյանա Կոսինցևան առաջատարից հետ է մնում մեկ միավորով:
Յոթ երկրների 12 կին գրոսմայստերների մասնակցությամբ մրցաշարում Վրաստանը և Ռուսաստանը ներկայացնող երկու շախմատիստուհիները հավանաբար կզբաղեցնեն առաջին և երկրորդ հորիզոնականները:
Հայ շախմատիստուհի Լիլիթ Մկրտչյանը տասը խաղում վաստակել է 6, իսկ Հայաստանի մյուս ներկայացուցիչը` Էլինա Դանիելյանը, 5,5 միավոր: Երկու շախմատիստուհիներն էլ երկուշաբթի նախատեսված եզրափակիչ խաղերից առաջ դեռևս պահպանում են լավագույն եռյակում ընդգրկվելու հնարավորությունը:
«Գրան պրին» բաղկացած է վեց մրցաշարերից (Ջերմուկինը 4-րդն է), որոնցում կորոշվի կանանց աշխարհի չեմպիոնի հավակնորդը: Հաղթողին որոշելու համար հաշվի կառնվեն վեց մրցաշարում ցուցաբերած երեք լավագույն արդյունքները:
Ջերմուկի մրցաշարին մասնակցում են նաև Մայա Չիբուրդանիձեն (Վրաստան), Շեն Յանգը (Չինաստան) և Անտոանետա Ստեֆանովան (Բուլղարիա):
English
Հայերեն
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.