Select edition
English
Հայերեն
տեղական լուրեր, գլոբալ լսարան
Չորեքշաբթի, մայիսի 23, 2012 Թարմացված է 04:12
Որոնել
Շախմատ. Արոնյանը Շանհայի մրցաշարում` օլիմպիադային ընդառաջ
Լևոն Արոնյանը մասնակցում է խոշոր մրցաշարի շախմատի առաջնությունում Հայաստանի թիմին միանալուց առաջ: Չորս շախմատիստի մասնակցությամբ Չինաստանի Շանհայ քաղաքում անցկացվող մրցաշարի առաջին տուրն ավարտվեց կիրակի: Արոնյանը սև խաղաքարերով հաղթեց չինացի շախմատիստ Հաո Վանին, ոչ-ոքի խաղաց (սպիտակներով) Շիրովի և (սևերով) ռուսաստանցի Վլադիմիր Կրամնիկի հետ: Կրամնիկը և Հաո Վանը զբաղեցրել են երրորդ և չորրորդ հորիզոնականները` համապատասխանաբար 3 և 1 միավորներով: 2010 թ. Մեծ սաղավարտի խաղարկության մրցաշարի եզրափակչի առաջին մրցափուլը կավարտվի սեպտեմբերի 8-ին Շանհայում: Չորս գրոսմայստերներից երկուսը կորակավորվեն` հոկտեմբերի 9-15-ը Իսպանիայի Բիլբաո քաղաքում մրցաշարի երկրորդ մրցափուլին մասնակցելու համար: Վիշվանաթան Անանդը (Հնդկաստան) և Մագնուս Կարլսենը (Նորվեգիա) կմիանան Շանհայի հաղթողներին և կմասնակցեն եզրափակչի երկրորդ և եզրափակիչ փուլին: (Մեծ սաղավարտի խաղարկության մրցաշարի եզրափակչում գրոսմայստերներին 40 քայլի համար հատկացվում է 90 րոպե, ապա 60 րոպե` խաղն ավարտելու համար: 41-րդ քայլից հետո մասնակիցները 10 հավելյալ վայրկյան ունեն յուրաքանչյուր քայլի համար: Կազմակերպիչներն օգտագործում են և´ «Սոֆիայի կանոնը» (խաղացողներն իրավունք չունեն ոչ-ոքի համաձայնել առանց մրցավարի թույլտվության), և´ արդյունքների գրանցման «ֆուտբոլային» համակարգը. շախմատիստները հաղթանակի դեպքում վաստակում են 3, ոչ-ոքիի դեպքում` 1 և պարտվելիս` 0 միավոր:) Այս ամսվա վերջին Արոնյանը կմիանա հայաստանցի իր թիմակիցներին, որոնք կմասնակցեն սեպտեմբերի 21-ին Ռուսաստանի Խանտի Մանսիյսկ քաղաքում մեկնարկող շախմատի համաշխարհային 39-րդ օլիմպիադային: Հայաստանի շախմատային armchess.am կայքը հաղորդում է, որ Արոնյանի բացակայությամբ` Հայաստանի հավաքականի (վերջին երկու` 2006 և 2008 թթ. օլիմպիադաների հաղթող) անդամներ Վլադիմիր Հակոբյանը, Գաբրիել Սարգսյանը, Արման Փաշիկյանը, Ավետիք Գրիգորյանը` ավագ մարզիչ Արշակ Պետրոսյանի գլխավորությամբ, երկու տարին մեկ անցկացվող օլիմպիադային ընդառաջ, սեպտեմբերի 1-ից ավելի քան երկու շաբաթ պարապմունքներ կանցկացնեն Ջերմուկում: Ջերմուկում Հայաստանի կանանց հավաքականի ավագ մարզիչ Աշոտ Անաստասյանի գլխավորությամբ իրենց հավաքն են անցկացնում նաև հայ շախմատիստուհիները: Խանտի Մանսիյսկ թիմը կմեկնի հետևյալ կազմով. Էլինա Դանիելյան, Լիլիթ Մկրտչյան, Լիլիթ Գալոյան, Նելլի Աղինյան, Անահիտ Խառատյան:
Other Articles in Շախմատ
|
  |
ԱրմենիաՆաուի էջերում
.jpg "Ղարաբաղի հարց. կարո՞ղ է արդյոք ամենափոքր նահանգի բանաձևը Արևմուտքի վերաբերմունքը Հայաստանի նկատմամբ փոխելու նշան դառնալ")
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.