Ապրիլի 5-9-ը Ռումինիայի մայրաքաղաք Բուխարեստում անցկացվեց սամբոյի Եվրոպայի երիտասարդների, պատանիների և աղջիկների առաջնությունը: Հայաստանի հավաքականը նվաճեց 11 մեդալ, որից 1-ը` ոսկե, 2-ը` արծաթե, 8-ը` բրոնզե:

Հայաստանի լեռնագնացների հավաքականը մեկնել է Թեհրան` մասնակցելու միջազգային ալպինիադային, որը կանցկացվի հունվարի 25-28-ը: Հայաստանի ալպինիզմի հավաքականը կայցելի Իրանի ալպինիզմի ֆեդերացիա` առաջնությունից առաջ ծանոթանալու Իրանի բարձրագույն կետի` Դեմավենդի (5671 մ) վերելքի պայմաններին: Այս մասին Panorama.am-ին հաղորդել է Հայաստանի ալպինիզմի և լեռնային տուրիզմի ֆեդերացիայի փոխնախագահ Սուրեն Դանիելյանը:

Լիտվայի մայրաքաղաք Վիլնյուսում ընթացող սամբոյի աշխարհի առաջնությունում Հայաստանը ներկայացնող Հակոբ Առաքելյանը (100 կգ) նվաճել է բրոնզե մեդալ:

Ըստ Հայաստանի սամբոյի ֆեդերացիայի` երկրից տասը մարզիկ է մասնակցում ընթացիկ առաջնությանը:

Հայ սամբիստների հավաքականը վերադարձել է սամբոյի պատանիների, երիտասարդների և աղջիկների աշխարհի առաջնությունից բազմաթիվ մեդալներով, այդ թվում` մեկ ոսկե, մեկ արծաթե և հինգ բրոնզե:

Հայ դայվերներին հաջողվել է համաշխարհային ռեկորդ սահմանել հյուսիսային կիսագնդում. նրանք կարողացել են սուզվել և ուսումնասիրել ծովի մակերևույթից 3207 մետր բարձրության վրա գտնող Արագած լեռան գագաթի մոտ գտնվող Քարի լճի հատակը:

Մարտական սամբո մարզաձևում Հայաստանի ներկայացուցիչ Վաչիկ Վարդանյանը դարձել է Եվրոպայի չեմպիոն:

Ըստ Հայաստանի սամբոլի ֆեդերացիայի` շաբաթավերջին Բուլղարիայում կայացած մարտական սամբոյի առաջնությունում Վարդանյանը փայլուն մրցելույթներ ունեցավ` 68 քաշային կարգում հաղթանակ տոնելով բոլոր մրցակիցների նկատմամբ և նվաճելով ոսկե մեդալ:

Երկու հայ ձյուդոիստներ ոսկե մեդալ նվաճեցին Հունաստանի Սալոնիկ քաղաքում անցակացվող Եվրոպայի երիտասարդական գավաթի խաղարկությունում:

Անդրանիկ Չափարյանը (73 կգ) և Երջանիկ Կարապետյանը (48 կգ) ճանաչվեցին իրենց քաշային կարգերում լավագույնը:

Ռուսաստանի Ձերժինսկ քաղաքում անցկացված 2011 թ. հենաշարժական համակարգի խնդիրներ ունեցող մարզիկների ՌԴ լողի բաց առաջնությանը մասնակցած Հայաստանի Հանրապետությունը ներկայացնող երեք երիտասարդ մարզիկներն ընդհանուր հաշվով ութ մեդալ են շահել:

Անցյալ շաբաթ տեղի ունեցած առաջնությանը Հայաստանը ներկայացրել են Հաշմանդամային սպորտի հայկական ազգային ֆեդերացիայի լողորդ 13-ամյա Արտակ Դավթյանը, 15-ամյա Մարգարիտա Հովակիմյանը և 15-ամյա Ավագ Տոնոյանը:

Ռուսաստանի Ձերժինսկ քաղաքում հայերը լավ են մեկնարկել հենաշարժական համակարգի խնդիրներ ունեցող մարզիկների մասնակցությամբ լողի բաց առաջնությունում:

Ապրիլի 6-ին` առաջին տուրում, Հաշմանդամային սպորտի հայկական ազգային ֆեդերացիայի (ՀՍՀԱՖ) երեք լողորդներ նվաճեցին չորս մեդալ, այդ թվում` մեկ ոսկե, երկու արծաթե և մեկ բրոնզե մեդալ: Նրանք հաղթահարել են 50 մ լողատարածությունը` ազատ ոճում, և 100 մ լողատարածությունը` բրաս լողաձևում:

Այս շաբաթավերջին Լեհաստանում ընթացող ձյուդոյի միջազգային մրցաշարում Հայաստանի հավաքականն առաջին իսկ օրը նվաճեց մեկ ոսկե և մեկ արծաթե մեդալ:

Ձյուդոյի եվրոպական միության կազմակերպած աշխարհի գավաթի խաղարկությունում Հայաստանի առաջատար ձյուդոիստ Արմեն Նազարյանը (66 կգ) հաղթեց հինգ մրցակիցներին, այդ թվում` եզրափակչում Լեհաստանի ներկայացուցչին, և նվաճեց ոսկե մեդալ: