Չորեքշաբթի երեկոյան Երևանում կմեկնարկի Տափօղակով հոկեյի միջազգային ֆեդերացիայի (ՏՀՄՖ) 2010 թ. աշխարհի առաջնության երրորդ դիվիզիոնի մրցաշարը: Հայաստանի ընտրանին սեփական հարկի տակ կընդունի երեք այլ երկրների հավաքականների:
Ապրիլի 14-18-ն անցկացվող երրորդ դիվիզիոնի մրցաշարի Բ խմբում միմյանց հետ իրենց ուժերը կչափեն Հայաստանը, Հարավային Աֆրիկան, Մոնղոլիան և Հյուսիսային Կորեան:
Հիմնական առաջնությանը, որին մասնակցում է 16 երկիր, նախորդում է առաջնությունը երեք դիվիզիոններում: Երրորդն ամենաթույլն է: Յուրաքանչյուր դիվիզիոն բաժանված է երկու ենթախմբերի՝ Ա և Բ, որոնք հավասար կարգավիճակում են:
Նախքան այս երեկո Հարավային Աֆրիկայի ընտրանու հետ մրցելը, երկուշաբթի Հայաստանի հավաքականը ցուցադրական խաղում 22:1 հաշվով վճռական հաղթանակ տարավ Վրաստանի ընտրանու նկատմամբ:
Հայաստանը 1999 թ. ՏՀՄՖ անդամ է: Ներկայումս Հայաստանի տղամարդկանց հիմնական հավաքականը պաշտոնապես վերջինն է 48 անդամ երկրների մեջ: (Աղյուսակն ամբողջությամբ կարդացե´ք այստեղ).
2005 թ. աշխարհի երրորդ դիվիզիոնի առաջնության ժամանակ կրած ծանր պարտությունից (ներառյալ` 0:48 հաշվով Մեքսիկայից կրած պարտությունը) հետո Հայաստանը փոքր-ինչ բարելավեց դիրքերը` տանելով մի քանի հաղթանակ, ի թիվս որոնց 2006 թ. Իռլանդիայի (6:0) և Լյուքսեմբուրգի (10:6) նկատմամբ: Հենց այդ տարի Հայաստանն իր ամենաբարձր տեղը զբաղեցրեց հինգ երկրների մասնակցությամբ դիվիզիոնում` հանգրվանելով մրցաշարային աղյուսակի երրորդ հորիզոնականում և ձեռքից բաց թողնելով ավելի բարձր դիվիզիոն անցնելու հնարավորությունը:
Անցյալ տարի ՏՀՄՖ-ն մեկ տարով որակազրկեց Հայաստանի հավաքականը` մինչև 20 տարեկանների հոկեյի աշխարհի առաջնության ժամանակ խաղալու իրավունք չունեցող մի խումբ մարզիկներ հայտարարագրելու համար:
Հայաստանը տափօղակով հոկեյի երկարատև պատմություն կամ ավանդույթներ չունի: Այս մարզաձևում ուժեղ են համարվում Հյուսիսային Ամերիկայի և Նորդիկ երկրների հավաքականները: Իսկ նախկին խորհրդային հանրապետությունն ունի 125 հոկեյիստ, ինչպես նաև երկու փակ և երեք բացօթյա սահադաշտեր:
Ընթացիկ առաջնությունը կանցկացվի փակ սահադաշտերից մեկում`«Կարեն Դեմիրճյան» մարզահամերգային համալիրում: Մյուսը գեղասահքի դպրոցի մարզադաշտն է, որը գտնվում է Շենգավիթ համայնքում և նախատեսված է նաև հոկեյի պարապմունքներ անցկացնելու համար: Բացօթյա մարզադաշտերը գտնվում են Վարդենիսում, Գյումրում և Երևանում (օպերայի շենքի մոտ գտնվող Կարապի լիճը ձմռանը վերածվում է սահադաշտի):
English
Հայերեն
ՎԵՐԵՎ 
Readers' comments
Read commented Article
Post a comment
Read all 1 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.