Readers' comments

• A martial arts bow: Armenian condolences on Azeri fighter’s death

Sportsmanship to those who abide by it, sometimes it is frustrating to do the right thing with savages... This reminds me sometimes of the long convoys of thousands of Armenians lead to die by 3-4 guards, very well behaved Armenians trusting their 'country men'.... In the end who cares, survival counts and we have to stay focused on it.... There is too much hate building on their side, no matter h...

Read commented Article

Post a comment

Read all 4 comments

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Ադրբեջանցի պաշտոնակցին` Ջեյխուն Մամեդովին ուղարկած իր հեռագրում Հայաստանի սամբոյի ֆեդերացիայի նախագահ Լևոն Հայրապետյանն ասել է, որ իր գլխավորած ֆեդերացիան ցավակցում է հարևան հանրապետության տաղանդավոր սամբիստի մահվան կապակցությամբ, որը շաբաթավերջին խեղդվել էր լճում:

Եվրոպայի պատանեկան սամբոյի 16-ամյա չեմպիոն Միխայիլ Օրուջևը խեղդվել է լճում: Դեպքը տեղի է ունեցել կիրակի Վրաստանի Դմանիսի շրջանում: Նա ադրբեջանական պատվիրակության անդամ էր, որը մեկնել էր հարևան երկիր` վրաց-ադրբեջանական բարեկամության օրերին: Ինչպես հաղորդվում է, պաշտոնական արարողությունից հետո մի քանի տղաներով ուղևորվել են մերձակայքում գտնվող լիճ և որոշել լողալով անցնել մյուս ափը, ինչը Օրուջևին չի հաջողվել:

«Հայաստանի սամբոյի ֆեդերացիան ցավակցում է Միխայիլի հարազատներին, ընկերներին, Ադրբեջանի սամբոյի հավաքականի մարզիկներին, մարզիչներին և մարզական հասարակայնությանն աշխարհի պատանի չեմպիոն Միխայիլ Օրուջևի մահվան կապակցությամբ»,- նշված է Հայրապետյանի հեռագրում, որի տեքստը երկուշաբթի տարածել է ֆեդերացիան (www.sambo.am):

Սամբոն ռուսերեն հապավում է, որը նշանակում է անզեն ինքնապաշտպանություն: Այս մարզաձևի համար հիմք են ծառայել ճապոնական ձյուդոն և կարատեն: Սամբոն որպես ձեռնամարտ զարգացել է խորհրդային կարմիր բանակում 1920-ական թթ.: Ներկայումս այս մարզաձևն առավել տարածված է նախկին խորհրդային հանրապետություններում:

Ուշագրավ է, որ Հայաստանի սամբոյի ֆեդերացիայի կայքն այն հայկական ինտերնետային ռեսուրսներից է, որոնք անցյալ ամսվա վերջին ենթարկվել էին ադրբեջանցի հաքերների գրոհներին: Հայկական կայքի աշխատանքը խափանվել էր որոշ ժամանակով այն բանից հետո, երբ հունիսի 29-ին ադրբեջանական դրոշ և ադրբեջանական լրատվամիջոցներից քաղվածքներ են տեղադրվել ինտերնետ ռեսուրսում: