Հիշեցում Հայաստանից ֆուտբոլի ազգային լիգային. եթե ցանկանում եք բարեկամներ ձեռք բերել «աղքատ» երկրում, ՀԱՂԹՈՂ ԹԻՄԻՑ մեզ մի քանի շապիկ ու գլխարկ ուղարկեք

Հիշեցում Հայաստանից ֆուտբոլի ազգային լիգային. եթե ցանկանում եք բարեկամներ ձեռք բերել «աղքատ» երկրում, ՀԱՂԹՈՂ ԹԻՄԻՑ մեզ մի քանի շապիկ ու գլխարկ ուղարկեք

Photo: www.tmz.com

Նյու Յորքի «Ջետս»-ը (ամերիկյան պրոֆեսիոնալ ֆուտբոլի թիմ) համոզված էր, թե կհաղթի անցյալ կիրակի տեղի ունեցած կոնֆերանսում (մրցաշարի տեսակ) և հնարավորություն կունենա մասնակցելու Super Bowl XLV առաջնությանը: Համոզված լինելով հակառակորդ թիմի` Փիթսբուրգի «Ստիլերզ»-ի նկատմամբ իրենց հաղթանակում` «Ջետս»-ն իր խաղացողների անունով և Conference Champion («Կոնֆերանսի չեմպիոններ») լոգոյով բազմաթիվ շապիկներ և գլխարկներ էր պատրաստել:

Բայց եթե շապիկի վրայի գրությունը խաբում է, ապա լուսատախտակի վրայի հաշիվը (24:19) ոչ` ազդարարելով, որ փետրվարի 6-ին կայանալիք խոշոր մարզական միջոցառմանը կմասնակցի «Ստիլերզը»:

Բա ի՞նչ են անելու «Կոնֆերանսի հաղթողներ» գրությամբ շապիկներն ու գլխարկները: «Վորլդ վիժն»-ի (World Vision) միջոցով որպես ֆուտբոլի ազգային լիգայի կողմից նյութական օգնություն ուղարկելու են Հայաստան, ինչպես նաև Զամբիա, Ռումինիա և Նիկարագուա: («Վորլդ վիժն»-ը քրիստոնեական բարեգործական կազմակերպություն է, որը կոչված է (թեև այս դեպքում առանձնապես ոչ) բարեփոխելու աղքատության մեջ ապրող երեխաների, նրանց ընտանիքների և համայնքների կյանքը Հայաստանում և այլուր:)

Երբ նվերները մարտին հասնեն Հայաստան, ձախողված «Ջետս»-ի հուշանվերների հետ կլինեն նաև Super Bowl Champion («Սուպեր բաուելի չեմպիոն») գրությամբ Փիթսբուրգի կամ Գրին Բեյի նախօրոք պատրաստած իրերը, որոնք կվկայեն ևս մի պարտված թիմի հօդս ցնդած հույսերը:
ԱրմենիաՆաուի էջերում