Չորեքշաբթի այս մրցաշրջանի առաջին ընկերական հանդիպման ընթացքում Հայաստանը 1:3 հաշվով պարտություն կրեց Բելառուսի հավաքականից: Խաղը տեղի ունեցավ չեզոք դաշտում` Թուրքիայի Անթալիա քաղաքում:

Մինչև 58-րդ րոպեն սեփական դարպասը գնդակ ընդունելը Հայաստանի հավաքականը նորանշանակ գլխավոր մարզիչ Վարդան Մինասյանի գլխավորությամբ բաց թողեց հաշիվը բացելու մի քանի լավ հնարավորություն: Մեկ րոպե անց երկրորդ խաղակեսում փոխարինման դուրս եկած Արարատ Մելքոնյանի հարվածից հետո դարպասապահը հետ մղեց գնդակը Պաչաջյանի կողմը, և Լևոնը հավասարեցրեց հաշիվը:

15 րոպե անց Մելքոնյանի սխալից օգտվեց Բելառուսի կիսապաշտպան Ալեքսանդր Հլեբը, որը գնդակով հայտնվելով Հայաստանի հավաքականի դարպասի մոտ` կարճ տարածությունից գրավեց այն` առաջ մղելով իր թիմին: 84-րդ րոպեին Բելառուսը երրորդ գնդակն ուղարկեց մրցակցի դարպասը: Կրկին արդյունավետ խաղաց Հլեբը, որի ճշգրիտ փոխանցմամբ Հայաստանի հավաքականի տուգանային հրապարակում հայտնված նրա թիմակիցը դարձավ հերթական գոլի հեղինակ:

Մինչև աշուն Հայաստանը պաշտոնական խաղեր չի անցկացնի: Հավաքականի մարզիչը վերջերս հույս հայտնեց, որ կխթանի մրցակցությունը թիմի ներսում` խաղամակարդակը բարձրացնելու և ավելի լավ արդյունքների հասնելու համար:

ՈՒԵՖԱ-ի «Եվրո-2012» որակավորման խաղերում B խմբում Հայաստանի մրցակիցներն են Ռուսաստանը, Սլովակիան, Իռլանդիայի Հանրապետությունը, Մակեդոնիան և Անդորրան: Մարտի կեսին վեց երկրների ֆուտբոլի ֆեդերացիաների ներկայացուցիչները կհանդիպեն Ռուսաստանի մայրաքաղաք Մոսկվայում` որոշելու խաղերի ժամանակացույցը, որոնք կայանալու են 2010 թ. սեպտեմբերից մինչև 2011 թ. նոյեմբեր: (Աղբյուրը` www.ffa.am:)

Մինչ այդ Հայաստանի երիտասարդական հավաքականը Իռլանդիայի Հանրապետության հետ արտագնա խաղում տոնեց հերթական հաղթանակը: Առաջին խաղակեսում Լևոն Հայրապետյանի և Գևորգ Ղազարյանի խփած 2 գոլերը հաղթանակ պարգևեցին Հայաստանին (2:1): Նոյեմբերին Երևանում անցկացված առաջին խաղում Հայաստանի հավաքականը հաղթել էր իռլանդացիներին 4:1 հաշվով:

Հայաստան-Իռլանդիա խաղի մասին մանրամասն կարդացեք SkySports-ի կայքում: