Ֆոտոլուր
«Բանանց»-«Անորտոսիս»` 0:1
Հինգշաբթի երեկոյան 2010/2011 թթ. ՈՒԵՖԱ-ի Եվրոպայի լիգայի որակավորման առաջին իսկ փուլում պատասխան հանդիպումներում կրած պարտություններից հետո երկու հայաստանյան ակումբներ դուրս մնացին հետագա մրցապայքարից:
Երևանը ներկայացնող «Բանանց» և «Ուլիս» ֆուտբոլային ակումբները պարտություն կրեցին համապատասխանաբար «Անորտոսիսից» (Կիպրոս) և «Բնեյ Եհուդայից» (Իսրայել):
«Անորտոսիսը» Երևան եկավ արդեն երեք գոլի առավելությամբ և առանց դժվարության 1:0 հաշվով հաղթանակ տարավ հյուրընկալող թիմի նկատմամբ (ընդհանուր հաշիվը 4:0):
«Ուլիսը», որը մեկ շաբաթ առաջ Երևանում ոչ-ոքի (0:0) էր խաղացել Թել Ավիվի ակումբի հետ, արտագնա խաղում 0:1 հաշվով պարտություն կրեց «Բնեյ Եհուդայից» և ընդհանուր հաշվի արդյունքներով դուրս մնաց հետագա մրցապայքարից:
Այս ամիս ավելի ուշ երկու այլ հայաստանյան ակումբներ կմասնակցեն եվրոպական ակումբային մրցաշարերի: «Փյունիկը» 2010/2011 թթ. ՈՒԵՖԱ-ի Չեմպիոնների լիգայի առաջնությունում կսկսի պայքարը երկրորդ որակավորման փուլից, որտեղ թիմի մրցակիցը կլինի սերբական «Պարտիզանը» (Բելգրադ): Հանդիպումները կանցկացվեն կամ հուլիսի 13/14-ին և կամ 20/21-ին: (Յուրաքանչյուր թիմային զույգ կունենա երկուական հանդիպում:)
Եվրոպայի լիգայի երկրորդ որակավորման փուլում «Միկան» կհանդիպի «Ռաբոտնիչկիի» (Մակեդոնիա) հետ, որն առաջին որակավորման փուլում հեշտությամբ հաղթել է «Լուսիտանսին» (Անդորրա): Հանդիպումները կանցկացվեն հուլիսի 15-ին և 22-ին:
Մինչ օրս Հայաստանից ոչ մի ֆուտբոլային ակումբի չի հաջողվել հասնել ՈՒԵՖԱ-ի ակումբային մրցաշարի հիմնական (աշուն-գարուն) փուլ:
English
Հայերեն
ՎԵՐԵՎ 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.