Հարակից նյութեր

Ֆուտբոլ. «Բանանցը» և «Ուլիսը» դուրս են մնում ՈՒԵՖԱ-ի մրցաշարից

Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

10-րդ անգամ հանդես գալով Եվրոպայի ակումբային մրցաշարում` Երևանի «Փյունիկը» Բելգրադում հանդիպեց «Պարտիզան» ֆուտբոլային ակումբին: Խաղասկզբից կես ժամ անց Հայաստանի ներկայացուցիչները բաց թողեցին իրենց առաջին գնդակը: Մեկ րոպե անց «Փյունիկի» պաշտպան Արտակ Եղիազարյանը կարողացավ հավասարեցնել հաշիվը, սակայն առաջին խաղակեսի ավելացված ժամանակում և երկրորդ խաղակեսի քառորդ րոպեին խփած գնդակները հաղթանակ բերեցին (3:1) հյուրընկալող թիմին:

Այժմ «Փյունիկին», որը հուլիսի 21-ին Երևանում կհյուրընկալի «Պարտիզանին», հաջորդ մրցափուլ անցնելու համար անհրաժեշտ է 2 կամ 3 գոլի առավելությամբ հաղթանակ տանել հյուրերի նկատմամբ:

Այս ամսվա սկզբին ակումբային մեկ այլ մրցաշարում` ՈՒԵՖԱ-ի Եվրոպայի լիգայի որակավորման խաղերում, Երևանը ներկայացնող «Բանանց» և «Ուլիս» ֆուտբոլային ակումբները, առաջին մրցափուլի երկու հանդիպումներում էլ պարտություն կրելով համապատասխանաբար «Անորտոսիսից» (Կիպրոս) և «Բնեյ Եհուդայից» (Իսրայել), դուրս մնացին հետագա պայքարից:

Հայաստանի առաջատար ակումբային մեկ այլ թիմ` «Միկան», ՈՒԵՖԱ-ի Եվրոպայի լիգայի երկրորդ որակավորման փուլում այս երեկո (հուլիսի 15-ին) Մակեդոնիայի Սկոպիե քաղաքում կհանդիպի տեղի ակումբներից «Ռաբոտնիչկիի» հետ, որը առաջին որակավորման փուլում 11:0 ընդհանուր հաշվով պարտության էր մատնել Անդորրայի թիմին: «Ռաբոտնիչկի»-«Միկա» պատասխան խաղը կանցկացվի հուլիսի 22-ին Երևանում:

Մինչ օրս Հայաստանից ոչ մի ֆուտբոլային ակումբի չի հաջողվել հասնել ՈՒԵՖԱ-ի ակումբային մրցաշարի հիմնական (աշուն-գարուն) փուլ: