Readers' comments

• Football: Armenia earn skipper’s praise despite dropping opening qualifier

Congratulations to the 'Boys in Green', Better luck to Armenia in the upcoming match against Macedonia. Go Armenia....

Read commented Article

Post a comment

Read all 1 comments

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

16.000 տեղ ունեցող «Վազգեն Սարգսյան» հանրապետական մարզադաշտում` 9000 մարզասերների ներկայությամբ, Վարդան Մինասյանի սաները հավասար, նույնիսկ ավելի լավ խաղ ցույց տվեցին, քան Իռլանդիայի հավաքականը:

Վիճակագրությամբ` Հայաստանը ավելի շատ հարվածներ է կատարել դեպի մրցակցի դարպասը, ավելի քիչ խախտել խաղի կանոնները և ավելի շատ անկյունայիններ վաստակել: Սակայն լարված պայքարում տանտերերը հաշիվը բացելու մի քանի լավ հնարավորություն բաց թողեցին, և խաղավարտից առաջ հյուրերին հաջողվեց մեկ գոլ գրանցել սեփական հաշվին:

Հայաստանի հավաքականի կազմում առաջին անգամ հանդես եկող ամերիկահայ Յուրա Մովսիսյանը (հարձակվող) մի քանի լավ հարձակում կազմակերպեց դեպի մրցակցի դարպասը, այդ թվում` երկու հուժկու հարված կատարեց Շեյ Գիվենի պաշտպանած դարպասը, սակայն հարվածները փոքր-ինչ շեղ էին, և գնդակը չհայտնվեց Իռլանդիայի հավաքականի սարդոստայնում:

Հայաստանի հավաքականի ծագող աստղ Հենրիկ Մխիթարյանը, որն անցյալ ամիս 6 միլիոն եվրո արժողությամբ (7,5 մլն դոլար) պայմանագիր է կնքել Ուկրաինայի առաջատար ֆուտբոլային ակումբներից մեկի` Դոնեցկի «Շախտյորի» հետ, լավ դրսևորեց իրեն որպես հարձակվող կիսապաշտպան և լարվածություն ստեղծեց Իռլանդիայի տուգանային հրապարակի մատույցներում և դրա ներսում:

Լևոն Պաչաջյանը, Էդգար Մալաքյանը և մյուսները նույնպես ամբողջ խաղադաշտում ճնշման տակ էին պահում հյուրերին:

Փորձառու դարպասապահ Ռոման Բերեզովսկին մի քանի անգամ փրկեց իր թիմին և անառիկ պահեց դարպասը Իռլանդիայի ընտրանու փորձառու հարձակվող Ռոբի Քինի մի քանի գրոհներից: 36-ամյա դարպասապահին այս գրոհներից մեկի ժամանակ մի փոքր օգնեց նաև ձախ կողմի դարպասաձողը:

Հայաստանի ընտրանին շարունակում էր գոլային հնարավորություններ ստեղծել, նաև երկրորդ խաղակեսում փոխարինման դուրս եկած Էդգար Մանասերյանի շնորհիվ, նույնիսկ այն ժամանակ, երբ 76-րդ րոպեին Քեյթ Ֆեհիի խփած գնդակից հետո, որը երեք միավորանոց հաղթանակ պարգևեց հյուրերին:

Մինասյանը, որը պաշտոնական խաղում առաջին անգամ էր հանդես գալիս հավաքականի մշտական գլխավոր մարզչի պաշտոնում, ասաց, որ իր թիմն արժանի էր առնվազն ոչ-ոքիի:

«Այսօր բոլորն էլ անմնացորդ նվիրումով հանդես եկան: Մենք պարտվեցինք, սակայն լավ և գովեստի արժանի խաղ ցույց տվեցինք»,- խաղից հետո մամուլի ասուլիսի ժամանակ ասաց Հայաստանի հավաքականի գլխավոր մարզիչը:

«Համոզված եմ` ֆուտբոլիստներն իրենք էլ զգացին, որ լավ էին խաղում»,- հավելեց նա:

Մինասյանն ասաց, որ հավաքականի ամրապնդումը շարունակում է մնալ իր առաջնային խնդիրը, և որ երբեմն նա ավելի շատ մտահոգված է թիմային աշխատանքով և լավ խաղ ցույց տալով, քան արդյունքների հասնելով:

Եվրո-2012-ի որակավորման շրջանակներում B խմբում ընդգրկված Հայաստանի հաջորդ մրցակիցը Մակեդոնիայի հավաքականն է: Խաղը կկայանա սեպտեմբերի 7-ին Սկոպիեում:

Ուրբաթ Մակեդոնիան առաջին խաղում 0:1 հաշվով պարտություն կրեց Սլովակիայի հավաքականից:

Իր առաջին խաղում հաջողության հասավ նաև Ռուսաստանի ընտրանին` 2:0 հաշվով հաղթելով վեց ազգային հավաքականներից բաղկացած խմբի հետնապահ Անդորրայի ընտրանուն: