Կիրակի Փարիզում ավարտված ծանրամարտի առաջնությունում Հայաստանի հավաքականն անհաջող հանդես եկավ:

Աշխարհի առաջնությանը մասնակցում էին տասը հայ ծանրամարտիկ, սակայն նրանցից միայն մեկին` Տիգրան Մարտիրոսյանին (77 կգ), հաջողվեց մեդալ նվաճել: Նա կարողացավ պոկում վարժությունում արժանանալ փոքր բրոնզե մեդալի:

2011 թ. մրցումների հակադոպինգային ստուգումից հետո մինչև 2015 թ. որակազրկվել են Հայաստանի երկու առաջատար ծանրորդներ` ենթադրաբար խթանիչներ օգտագործելու պատճառով:

Ծանրամարտի աշխարհի չեմպիոն Նազիկ Ավդալյանը երկուշաբթի հայտարարեց, որ երկու տարուց կվերադառնա մեծ սպորտ: Ավդալյանը, որը 2009-ին ծանրամարտի կանանց հավաքականի աշխարհի չեմպիոն դառնալուց հետո հայկական սպորտի ամենահայտնի դեմքերից է դարձել, այս տարվա ապրիլի 26-ին վթարի էր ենթարկվել` ստանալով ողնաշարի վնասվածք:

Պերուի մայրաքաղաք Լիմայում ավարտված ծանրամարտի աշխարհի պատանեկան առաջնությունում գերծանրքաշայինների` (+94 կգ) պայքարում Հայաստանի ներկայացուցիչ Գոռ Մինասյանը դարձել է աշխարհի չեմպիոն:

Ռուսաստանի Կազան քաղաքում ընթացող 2011 թ. Եվրոպայի ծանրամարտի առաջնությունում Հայաստանը ներկայացնող Արայիկ Միրզոյանը (77 կգ) արծաթե մեդալ նվաճեց` դժվարին պայքարում ոսկին զիջելով թուրք մրցակցին:

Հինգշաբթի երկրորդ մրցափուլում պոկում վարժությունում Միրզոյանը 160 կգ բարձրացրեց (նվաճելով ոսկե մեդալ), իսկ հրում վարժությունում իր կամքին ենթարկեց 187 կգ-ոց ծանրաձողը (նվաճելով արծաթե մեդալ):

Հայաստանը ներկայացնող ծանրամարտիկ Էլեն Գրիգորյանն (53 կգ) արծաթե մեդալներ է նվաճել հրում և պոկում վարժություններում (85 կգ +110 կգ)` երկու մրցաձևերում դառնալով Եվրոպայի փոխչեմպիոն:

Հայաստանի ազգային օլիմպիական կոմիտեն հաղորդում է, որ Լիմասոլում (Կիպրոս) շարունակվող Եվրոպայի ծանրամարտի երիտասարդական (մինչև 23 տարեկան) առաջնությունում հայ մարզիկները ցայսօր նվաճել են երկու արծաթե և մեկ բրոնզե մեդալ:

Նոյեմբերի 23-ին 62 կգ քաշայինների պայքարում երկամարտի 270 կգ (125 կգ+145 կգ) արդյունքով երկրորդ տեղը զբաղեցրեց և արծաթե մեդալով պարգևատրվեց Ռուբիկ Մամոյանը:

Հինգշաբթի Թուրքիայի Անթալիա քաղաքում ընթացող ծանրամարտի աշխարհի առաջնությունում 77 կգ քաշային կարգում Հայաստանը ներկայացնող Տիգրան Մարտիրոսյանը երկու հաղթանակ գրանցեց` հրում վարժությունում և ընդհանուր հաշվով:

22-ամյա Եվրոպայի չեմպիոն Մարտիրոսյանը նվաճեց ոսկե մեդալ` ընդհանուր հաշվով բարձրացնելով 373 կգ, այդ թվում` 173 կգ պոկում և 200 կգ հրում վարժություններում:

Հայաստանի ազգային օլիմպիական կոմիտեի հաղորդագրության համաձայն`2010 թ. Եվրոպայի ծանրամարտի մեծահասակների փոխչեմպիոն հայաստանցի Սմբատ Մարգարյանը (56 կգ) ուժեղագույն ճանաչվեց նաև Եվրոպայի պատանեկան առաջնությունում, որն անցկացվում էր այս շաբաթ Իսպանիայի Վալենսիա քաղաքում: Չորեքշաբթի Մարգարյանին հաջողվեց երկամարտում ցույց տալ 240 կգ արդյունք և արժանանալ մայրցամաքի չեմպիոնի կոչման:

Հինգշաբթի երեկոյան հրում վարժությունում Տիգրան Գ. Մարտիրոսյանի [ոսկե մեդալ նվաճելու] առաջին փորձն անհանգստություն պատճառեց հայ մարզասերներին, քանի որ մրցավարները չարձանագրեցին նրա առաջին մոտեցումը: Սակայն րոպեներ անց 22-ամյա գյումրեցի ծանրորդն արդեն պահել էր գլխավերևում 195 կիլոգրամանոց ծանրաձողը` նվաճելով 77 կգ քաշային կարգում ծանրամարտի Եվրոպայի չեմպիոնի կոչումը: Առաջնությունն անցկացվում է Բելառուսի Մինսկ քաղաքում: Պոկում վարժությունում հայազգի ծանրորդը բարձրացրեց 165 կգ և երկամարտի 360 կգ արդյունքով այս քաշային կարգում չեմպիոն հռչակվեց: