Կապանի սողանքային գոտիներից մեկի հարակից տարածքում ժամանակին կառուցված «հակարվիկը», որը տեղանքն անվտանգ դարձնելու, ջրահեռացումն ապահովելու համար էր, հիմա վտանգ է ներկայացնում հարակից տների բնակիչների համար:

Երկաթուղայինների փողոցի 3-րդ նրբանցքի 39-ամյա բնակչուհի Վալենտինա Շահվերդյանը ստիպված է իր դպրոցահասակ երեխային մանկապարտեզ տանել, որպեսզի ամռանը դրսում չխաղա, որովհետև հողի փլվածքից առաջացած փոսն ու օրեցօր քանդվող ճանապարհը վտանգավոր է համարում երեխաների համար:

Կապանում ուսանողական հանրակացարանը դարձել է անօթևանների ապաստան` ուսանողներին մնալու տեղ չթողնելով:

Հանրակացարանի բնակիչները հրաժարվում են դուրս գալ այնտեղից` պատճառաբանելով, որ ապրելու տեղ չունեն: Միևնույն ժամանակ Հայաստանի պետական ճարտարագիտական համալսարանի Կապանի մասնաճյուղում Սյունիքի մարզի տարբեր համայնքներից սովորելու եկած ուսանողները ստիպված են այլ կացարան փնտրել:

Հունիսին տեղացած աննախադեպ հորդառատ անձրևներից Սյունիքի մարզի ամենահեռավոր սահմանամերձ Նռնաձոր համայնքը միլիոնավոր դրամների վնաս է կրել:

Տեղացած հորդառատ անձրևներից վնասվել են ցանքատարածությունները, գյուղամիջյան ավտոճանապարհները և կամրջի մի մասը: Գյուղն ամբողջությամբ հոսանքազրկվել է, շրջվել է 3 էլեկտրասյուն, որից մեկը վնասել է դպրոցի պատը: Քանդվել է միջքաղաքային ավտոճանապարհի մոտ 400 մետրանոց հատվածը: Փլվել է մեկ գոմ, ուժեղ քամին պոկել է տների տանիքների թիթեղներ: (Զոհեր և տուժածներ չկան: Վնասի չափերը ճշտելու նպատակով ստեղծվել ու գյուղ է գործուղվել մարզային հանձնաժողով (նախնական հաշվարկներով` գյուղատնտեսությանը հասցված վնասը կազմում է 72 մլն դրամ ($240,000), իսկ ճանապարհային ենթակառուցվածքների վնասները` 21 մլն դրամ ($70,000):

Կապանում տիկնիկային թատրոն է գործում, բայց նրա ճակատագիրը անորոշ վիճակում է:

Թատերախմբի յոթ անդամները ներկայացումներ են տալիս առիթից առիթ, երբ իրենց հրավիրում են: Նրանք չունեն հիմնական տարածք և որևէ աջակցություն չեն ստանում:

Ինը տարի առաջ Վահե Արզումանյանը որոշեց Կապանում նման թատրոն ստեղծել, երբ քաղաքի մշակույթի ակումբներից մեկում հին ու մաշված խամաճիկներ գտավ: Մտածեց, որ տիկնիկային թատրոնի կարիք կա քաղաքում (հայ երեխաների համար հաճելի մի վայր), երեխաները չգիտեն` ինչ թատրոն է դա, ու ցանկացել է վերակենդանացնել արվեստի այս տեսակը:

Արդեն ութերորդ տարին է` ամռանը Կապանում պատանիների համար գործում է Երիտասարդ լիդերների դպրոցը, որի կազմակերպիչը «Կապանի կանանց տարածաշրջանային ասոցիացիա» ՀԿ-ն է:

Դպրոցի տնօրեն Սուսաննա Մարտիրոսյանը պատմում է, որ նման դպրոց ունենալու գաղափարը հուշել է Կանանց հանրապետական խորհուրդը: Գիտաժողովներից մեկի ժամանակ խորհրդի նախագահ Նորա Հակոբյանը նկատել է, որ նստած են միայն տարեց կանայք, և փոխարինող սերունդ չկա: Ու երբ սկսել են մտածել հասարակական սեկտորում նրանց փոխարինող երիտասարդներ պատրաստելու մասին, կանգ են առել նման դպրոց ունենալու գաղափարի վրա:

Կապանում բացված «Ավետիս» արթ-սրահն իր տեսակով առաջինն է քաղաքում, որտեղ և ցուցադրվում, և վաճառվում են ձեռքի գեղարվեստական աշխատանքներ` հիմնականում փայտից:

Արթ-սրահի տերը` 42-ամյա քանդակագործ Արմեն Ավետիսն ասում է, որ Կապանում նման սրահ բացելու մտադրություն ունեցել է մի քանի տարի, բայց հասարակությունը պատրաստ չէր. «Ասում են` մարդիկ այստեղ արվեստ չեն հասկանում, բայց պիտի ցույց տաս, որ հասկանան: Իսկ քաղաքում կա պատկերասրահ, որի տեղը քչերը գիտեն և քչերն են հաճախում»:

Հունիսի 2-ից Սյունիքի մարզի բնապահպաններն ահազանգում են, թե Շիկահողի արգելոցի տարածքում վայրի խոզի անկումը, հավանաբար, պայմանավորված է աֆրիկյան ժանտախտի առկայությամբ:

ՀՀ բնապահպանության նախարարության աշխատակազմի բնապահպանական պետական տեսչության Սյունիքի տարածքային բաժնի պետ Լևոն Պետրոսյանը պատմում է, թե հունիսի 2-ին ահազանգ են ստացել Շիկահողի արգելոցից, որ Սրաշեն համայնքի մոտակայքում հիվանդ վայրի խոզ է գտնվել: «Դիմեցինք նաև Կապանի գլխավոր անասնաբույժ Արթուր Խաչատրյանին: Նա արտաքին ախտանշաններից եզրակացրեց, որ աֆրիկյան ժանտախտ է: Մարմինն ախտահանեցինք և թաղեցինք խոր փոսի մեջ: Փորոտիքից նմուշ վերցվեց` փորձաքննության համար»,- տեղեկացրեց նա:

Գորիսում կազմակերպված աշխատանքի տոնավաճառը նման առաջին փորձն էր Սյունիքում, որը հնարավորություն տվեց բազմաթիվ գործատուների ու գործազուրկների հանդիպելու միմյանց:

Գորիսեցի Սուրիկ Հովհաննիսյանը, որը վարորդ է աշխատել և մի քանի արհեստի է տիրապետում, այստեղ էր եկել հարմար աշխատանք գտնելու հույսով: Ասում է` տարիներ շարունակ չի կարողացել աշխատանք գտնել, մինչդեռ հինգ շունչ ունի իր խնամքի տակ: Կանգ էր առել «Ոսմար» ՍՊԸ-ի տաղավարի մոտ, որը 5 մեխանիզատորի և 6 բանվորի թափուր հաստիք ուներ: Ընկերության կադրերի բաժնի պետ Սոնա Գաբրիելյանը տեղեկացրեց, որ Հովհաննիսյանը հետաքրքրել է իրենց, տվյալները վերցրել են:

Գերմաներենի ու Գերմանիայի հանդեպ առավել մեծ ուշադրություն հրավիրելու նպատակով Հայաստանում Գերմանիայի Դաշնային Հանրապետության դեսպանությունը և Գերմանական ակադեմիական փոխանակման ծառայությունը (DAAD) մայիսի 20-24-ը առաջին անգամ այցելություն էին կազմակերպել Հայաստանի հարավային մարզեր: «Դոյչմոբիլ» (DEUSCHMOBIL) նախագծի շրջանակներում գերմանացիներն այցելեցին Եղեգնաձորի, Գորիսի, Կապանի, Մեղրու և Ագարակի դպրոցներ ու բուհեր: Նախագիծը բաց էր բոլոր նրանց համար, ովքեր հետաքրքրվում են գերմաներենով և Գերմանիայով:

Պատվիրակությունը Կապանի վարժարանին 450 կտոր գիրք նվիրեց Գյոթեի անվան ինստիտուտի կողմից: Վարժարանում աշակերտների շրջանում երկրագիտական հարցում անցկացվեց, իսկ ուսուցիչների համար` վերապատրաստման դասընթաց:

Սյունիքում ուրանի հանքավայրերի հետախուզական աշխատանքները, որ պիտի սկսվեն առաջիկայում, մտահոգություններ են առաջացրել բնակչության շրջանում:

Այս տարվա ապրիլի 22-ին ՀՀ բնապահպանության նախարարության և Ռուսաստանի «Ատոմռեդմետզոլոտո» ԲԲԸ միջև Հայաստանում ուրանի հանքավայրերի ուսումնասիրության ու շահագործման աշխատանքների կատարման համար համատեղ ձեռնարկություն հիմնելու պայմանագիր կնքվեց: ՀՀ բնապահպանության նախարար Արամ Հարությունյանը տեղեկացրել էր, որ երկրաբանահետախուզական աշխատանքները Սյունիքի մարզում նախատեսվում են սկսել սեպտեմբերից: