Երևանի «դարի կառույց» համարվող Հյուսիսային պողոտայում պարբերաբար ի հայտ եկող դարուփոսերը երկրաբաններին կրկին անհանգստանալու առիթ տվեցին: Նրանք դեռ 2001 թ.` այս ծրագրի ամպագոռգոռ մեկնարկից առաջ, ահազանգում էին, որ քաղաքի կենտրոնի ընդերքի կրողունակությունը թույլ է, գրունտներն ու ապարները բազալտից չեն և չեն կարող կրել նման ծանրություն:

Հայաստանում խորհրդային տարիներից ժառանգած ավելի քան 1000-1500 տոննա թունաքիմիկատներ պարունակող գերեզմանոցներն ու կիսաքանդ պահեստները դանդաղ գործողության ռումբ են, որ արդեն լրջորեն աղտոտել են շրջակա միջավայրը, մինչդեռ բնապահպանները շարունակում են ահազանգել, որ այդ ռումբի աշխատանքը դեռ կանգնեցված չէ:

Ուրբաթ երևանյան երկու կինոթատրոններում էկրան բարձրացած հայ-ռուսական համատեղ «Եթե բոլորը…» ֆիլմը Ղարաբաղյան պատերազմի վերհուշ է, որը, սակայն, ինչպես ֆիլմի հեղինակներն են շեշտում, ոչ թե պատերազմի, այլ խաղաղության մասին է, ու ներումի, հանդուրժողականության յուրահատուկ կոչ: Ֆիլմի էկրան բարձրանալը համընկավ հունվարի 28-ին, երբ Հայաստանը տոնում է բանակի օրը:

Իրանի դեմ ընդունված պատժամիջոցները` նավթային էմբարգոն և պատերազմի վտանգը, Հայաստանին նոր մարտահրավերների առաջ են կանգնեցրել, երբ իր հարավային հարևանի հետ տնտեսական ծրագրերի սառեցումը դիտարկվում է որպես «չարյաց փոքրագույնը»:

Հայաստանը ԱՊՀ տարածքում լավագույն բարենպաստ պայմաններն է ստեղծում տնտեսավարողների ու ներդրողների համար` հավաստիացնում է էկոնոմիկայի նախարար Տիգրան Դավթյանը` որպես ապացույց շեշտելով, որ նախորդ տարվա ընթացքում 20%-ով աճել են օտարերկրյա ներդրումները, և ստեղծվել են օտարերկրյա կապիտալով 20 նոր ձեռնարկություններ:

2008-ի մարտի 1-2-ի դեպքերը քննող Հատուկ քննչական ծառայության (ՀՔԾ) միջանկյալ տեղեկանքը զայրույթի ու հիասթափության լուրջ ալիք է բարձրացրել ընդդիմադիրների և տասը զոհերի հարազատների շրջանում, որոնց զավակներին ՀՔԾ-ն իր տեղեկանքում ներկայացրել է որպես «զանգվածային անկարգության մասնակից» հանցագործներ:

Եվրամիությունն ու ԵԱՀԿ-ն խոստանում են աջակցել Հայաստանին 2012 և 2013 թթ. կայանալիք համապետական ընտրություններին և 1,7 միլիոն եվրո արժողությամբ ծրագրով նպաստել ազատ և արդար ընտրությունների անցկացմանը:

Հինգշաբթի հրապարակված «Ֆրիդոմ hաուզի» 2012 թ. ամենամյա զեկույցում Հայաստանը կրկին դասվել է «մասամբ ազատ» երկրների շարքը, իսկ Ղարաբաղը ինչպես նախորդ տարի կրկին հետընթաց է գրանցել` բնորոշվելով որպես «ոչ ազատ» տարածք, նախկին՝ «մասամբ ազատի» փոխարեն:

Երեքշաբթի Ստամբուլի քրեական գործերով 14-րդ դատարանն «Ակոս» թերթի խմբագրապետ Հրանտ Դինքի սպանության գործով ցմահ ազատազրկման է դատապարտել գլխավոր մեղադրյալ Յասին Հայալին և կրկին հաստատել, որ սպանությունը «կազմակերպված չէր»:

Դատավճիռը զայրացրել ու հիասթափեցրել է 2007 թ. իր խմբագրության շենքի առաջ սպանված Դինքի հարազատներին ու աջակիցներին, ովքեր վստահ են, որ դատարանը միտումնավոր չբացահայտեց սպանության իրական կազմակերպիչներին:

ԵԽԽՎ Հայաստանի հարցով համազեկուցող Ջոն Պրեսկոտի երկօրյա հանդիպումները լուրջ անվստահության ալիք են բարձրացրել Եվրախորհրդի գործունեության նկատմամբ ընդդիմության և հասարակության շրջանում:

Երեքշաբթի կայացած մարտիմեկյան տասը զոհերի հարազատների, ինչպես և նախօրեին ընդդիմության ներկայացուցիչների հետ հանդիպումն անցել է լարված ու անարդյունք: