Ջրաչափեր տեղադրելու և իրենց հողի կարգավիճակը փոխելու (գյուղատնտեսական նպատակներով օգտագործելու համար անպիտան (ինչպիսին այսօր է) հողերից վերածելու վարելահողերի) կառավարության պահանջներն ընդունելու փոխարեն հայ ձկնաբույծները վաճառքի են հանել իրենց հողերը:

Հայաստանում հիմնականում իշխանի և թառափի բազմացմամբ զբաղվող մոտ 250 ընկերություններից 25-ը արդեն հայտարարել են իրենց ձկնաբուծարանը վաճառելու մասին, որոնց մեջ, Հայաստանի ձկնաբույծների միության տնօրեն Արթուր Աթոյանի խոսքով, մոտ 8 ընկերություն արդեն տուգանվել են «Բնապահպանական և բնօգտագործման վճարների մասին» ՀՀ օրենքի և ջրի օգտագործման վերաբերյալ մի քանի օրենքների համաձայն: Տուգանքների գումարը կազմում է 930-ից մինչև 33.000 դոլար:

Խորհրդարանական ընտրություններից մեկ տարի առաջ Ժողովրդական կուսակցության առաջնորդ Տիգրան Կարապետյանը, որին պատկանող «ԱԼՄ» հեռուստաընկերությունը զրկվեց հեռուստակապուղուց, կտրուկ միջոցների է դիմում՝ սեփական բջջայինի հեռախոսահամարը տրամադրելով հավանական ընտրազանգվածին, որպեսզի վերջինս ականջալուր լինի իր ուղերձին:

Հունվարի 19-ին Երևանում անցկացված չորրորդ հանրահավաքի ժամանակ էլ, որը, ի դեպ, իր չափերով գրեթե չէր զիջում ընդդիմադիր Հայ ազգային կոնգրեսի հանրահավաքներին, մարդկանց բաժանվեցին թերթիկներ, որոնց վրա գրված էին Կարապետյանի հեռախոսահամարները (010 249399, 091 424020):

Եվրոպայի խորհրդի խորհրդարանական վեհաժողովում (ԵԽԽՎ) ընդունվել է Հայաստանի բնապահպանական խնդիրներին վերաբերող նախագիծ, որի տակ հայաստանյան պատվիրակությունից ստորագրել է միայն «Ժառանգություն» խմբակցության պատգամավոր Զարուհի Փոստանջյանը, որն էլ առաջադրել է նախագիծը:

Հունվարի 28-ին ԵԽԽՎ 24 պատվիրակները ստորագրել են «Հայաստանի լեռնաարդյունաբերական հանքերի ներկայիս և սպասվող նոր հանքավայրերի շահագործման հետևանքով շրջակա միջավայրի վրա աղետալի ազդեցությունը» նախագծի տակ:

Վարչապետ Տիգրան Սարգսյանի հայտարության համաձայն` այս տարի ՀՀ կառավարությունը խթանելու է ձկնատեսակների արտահանումը, սակայն ձկնարտադրողները թերահավատ են, որ դա իրատեսական է:

Վարչապետը չի մասնավորել, թե ինչպես է այդ ծրագիրն ընթանալու, բայց անցյալ տարի անընդհատ խոսվել է հայկական իշխանն ու թառափը Ռուսաստանից և Վրաստանից զատ նաև եվրոպական երկրներ ու ԱՄՆ արտահանելու մասին:

Խոսքի ազատության պաշտպանության կոմիտեի ուսումնասիրության համաձայն` ՀՀ պետական մարմինների 23 պաշտոնական կայքերից ամենաթափանցիկը ճանաչվել է ՀՀ տրանսպորտի և կապի նախարարության կայքը:

Բաց հասարակության ինստիտուտի ֆինանսավորմամբ` 2010 թ. սեպտեմբեր-հոկտեմբերին ուսումնասիրվել են 23 պաշտոնական և 10 մարզային կայքեր:

Ժողովրդական կուսակցության նախագահ, սակավաթիվ, սակայն հավատարիմ հետևորդների առաջնորդ Տիգրան Կարապետյանը չորեքշաբթի Երևանում կայացած հանրահավաքի ժամանակ ՀՀ իշխանություններին մինչև փետրվարի 28-ը ժամանակ է տվել` իրենց պահանջները կատարելու համար, այլապես ինքն արտահերթ ընտրությունների պահանջով հանրահավաքներ կանցկացնի:

«Մենք սկսելու են պայքարել 2008 թ. նախագահական ընտրություններից հետո բանտերում հայտնված քաղբանտարկյալների իրավունքների համար, պահանջելու ենք բարձրացնել թոշակներն ու նվազագույն աշխատավարձը և այլն»,- հայտարարել է Կարապետյանը` դիմելով Մատենադարանի մոտ հավաքված իր աջակիցներին, Ժողովրդական կուսակցությանը հատուկ մտահոգություն բարձրաձայնելով և բորբոքելով կրքերը:

Երևանի էստրադային և ջազային արվեստի պետական քոլեջի դասախոսները և ուսանողները ընդդիմանում են իրենց քոլեջը Երևանի մշակույթի պետական քոլեջին միացնելու կառավարության որոշմանը:

30 տարվա պատմություն ունեցող այդ քոլեջն են ավարտել ճանաչված երգչուհիներ Սյուզան Մարգարյանը, Էռնա Յուզբաշյանը, Աիդա Սարգսյանը, Նունե Եսայանը, Էմմա Պետրոսյանը և այլք:

Այս տարի, անցյալ տարվա պես, աղետի գոտում բնակշինարարության ծավալների կրճատումը մտահոգում է երկրաշարժից անօթևան մնացած ընտանիքներին:

Անցյալ տարի բնակարանների թիվը նույնպես կրճատվել էր, նախատեսված 1320-ի փոխարեն գյումրեցիներին հանձնվեցին 1056-ը, իսկ այս տարի 1944-ի փոխարեն շահագործման կհանձնվեն 1750-ը:

Ապահովագրական ընկերությունները և ոլորտի մասնագետները պնդում են, որ հունվարի 1-ից սկսած, երբ ուժի մեջ է մտել պարտադիր ապահովագրությունը, ոստիկանությունը կոծկում է ավտոպատահարների պաշտոնական տվյալները: Նրանք նաև մեղադրում են ճանապարհային ոստիկանությանը` տուգանքներից կամ պարտադիր ապահովագրությունից խուսափող վարորդներից կաշառք վերցնելու համար:

Անցյալ տարվա մայիսին ՀՀ Ազգային ժողովն օրենք է ընդունել, որը պարտադրում է Հայաստանում գրանցված մոտ 450.000 մեքենաների տերերին ապահովագրել իրենց փոխադրամիջոցները, որը ենթադրում է երրորդ կողմին հասցված վնասների փոխհատուցում: Այն արժե 16.000-109.000 դրամ (մոտ 45-300 դոլար):

Հին Նոր տարվա նախօրեին Ձմեռային փառատոն-2010-ն ամփոփեց արդյունքները` հայ Ձմեռ պապի և Կաղանդ պապի ձեռքերով ակտիվ մասնակիցներին հանձնելով մրցանակներ ու վկայականներ:

Մրցանակները հանձնեցին ամանորյա միջոցառումների կազմակերպիչներ «Կանաչաստան» ՀԿ-ն, Deem Communications-ը և «Պողոսյան պարտեզները»: Հովանավորների մեջ էին նաև բջջային օպերատոր «Օրանժ» ընկերությունը և այլ մասնավոր կառույցներ, ինչպես նաև Երևանի քաղաքապետարանը, ՀՀ մշակույթի նախարարությունը: