Այսօր` սեպտեմբերի 2-ին, Լեռնային Ղարաբաղի Հանրապետությունում տոնում են անկախության հռչակման 19-րդ տարեդարձը, որի միջոցառումներն անցկացվում են հանրապետության միջազգային ճանաչման թեմայի արդիականացման պայմաններում:

1991 թ. սեպտեմբերին 2-ին ԼՂԻՄ մարզային և Շահումյանի շրջանային խորհուրդների համատեղ նիստում ընդունվեց Լեռնային Ղարաբաղի Հանրապետության անկախության հռչակագիրը: Իսկ մեկ ամսից` հոկտեմբերի 5-ին, «Լեռնային Ղարաբաղի Հանրապետության ճանաչման մասին» օրինագիծը կքննարկվի Հայաստանի Ազգային ժողովում:

Օգոստոսի 19-20-ը ՌԴ նախագահ Դմիտրի Մեդվեդևի այցը Հայաստան երկրում քննարկման տեղիք է տվել, թե Հայաստանը ինքնիշխանության և ազգային անվտանգության ո´ր մասը կարող է պատվիրակել Ռուսաստանին:

Մեդվեդևի այցի ընթացքում Մոսկվայի և Երևանի միջև ստորագրվեց պայմանագիր ռուսական ռազմակայանի տեղակայման ժամկետների երկարացման և նրա գործունեության աշխարհագրության ընդլայնման վերաբերյալ: 1995 թ. կնքված պայմանագրի թարմացված տարբերակով հետայսու Հայաստանի հյուսիսարևմտյան Գյումրի քաղաքում տեղակայված ռուսական ռազմակայանն ստանձնում է Հայաստանի Հանրապետության անվտանգության ապահովումը, ընդ որում` ոչ միայն նախկին Խորհրդային Միության սահմանի երկայնքով, ինչպես նախկինում, այլ ՀՀ սահմանի ամբողջ պարագծով:

Հայաստանը և Ղարաբաղը սկսում են նոր քաղաքականություն իրականացնել ղարաբաղյան խնդրի կարգավորման հարցում, և, դատելով վերջին հայտարարություններից, կարելի է ենթադրել, որ Լեռնային Ղարաբաղի Հանրապետության ճանաչման գործընթացը սկսելու պայմանավորվածություն է ձեռք բերվել:

Ժամանա՞կն է արդյոք շարժիչը փոխելու: Արժույթի միջազգային հիմադրամի կարծիքով` ժամանակն է, իսկ ՀՀ կառավարությունը խոսում է միայն մասնակի վերանորոգման անհրաժեշտության մասին:

Հուլիսի 26-ին Արժույթի միջազգային հիմնադրամը Երևանում քննարկում էր կազմակերպել «Հայաստանի տնտեսական քաղաքականությունը. հետագա ուղին» թեմայով:

ՄԱԿ-ի Արդարադատության միջազգային դատարանի կողմից Կոսովոյի մասին որոշումն ընդունելուց հետո հաջորդ օրը` հուլիսի 23-ին, Ղարաբաղում համազգային հանրահավաք պետք է անցկացվեր: Մարդիկ արդեն պատրաստվում էին դուրս գալու փողոցներ, Երևանից Ստեփանակերտ էր ժամանել լրագրողների մեծ խումբ, սակայն հանրահավաքը, առանց բացատրության, չեղյալ էր հայտարարվել:

Իրանի դեմ ընդունված միջազգային պատժամիջոցների, ինչպես նաև Իրանի վրա ռազմական հարվածի հնարավորության մասին նախազգուշացնող բուռն տեղեկատվական քարոզչության լույսի ներքո տարածաշրջանում պատերազմ թույլ չտալը բխում է Հայաստանի ազգային շահերից: Եվ հենց այդ շահին հետևելով է բացատրվում Իրան-Հայաստան հարաբերությունների ակտիվացումը:

Թեև Իրան-Հայաստան տնտեսական նախագծերը առաջ չեն շարժվում, այնպիսիք, ինչպիսիք են երկաթուղու, խոշոր վերամշակող ձեռնարկությունների կառուցման և այլ հավակնոտ ծրագրերը, փոխարենն ավելի զգալի է դառնում քաղաքական համագործակցությունը:

«Հայաստանի զարգացմանը խոչընդոտում են չլուծված ղարաբաղյան հակամարտությունը և հայ-թուրքական չկարգավորված հարաբերությունները». նման փաստարկն արդեն մի քանի տարի է` Հայաստանում լուրջ բանավեճերի պատճառ է դառնում: Քննարկումները նոր խթան են ստացել անցյալ շաբաթ ՀՀՇ 16-րդ համագումարի ժամանակ առաջին նախագահ, ընդդիմադիր Հայ ազգային կոնգրեսի ղեկավար Լևոն Տեր-Պետրոսյանի ելույթից հետո:

Տեր-Պետրոսյանը հայտարարել է, որ «առանց ղարաբաղյան հակամարտության և հայ-թուրքական հարա¬բե¬րու¬թյունների կարգավորման Հայաստանն անվտանգության, տնտեսական զարգացման և ժողովրդագրական վիճակի բարելավման հեռանկար չունի, անկախ այն հանգա¬մանքից, թե ում ձեռքում կլինի իշխանության ղեկը։

Անցած հանգստյան օրերին Ալմաթիում տեղի ունեցած ԵԱՀԿ երկրների արտգործնախարարների խորհրդի նիստը ներկայացվել է որպես վճռորոշ հանդիպում ղարաբաղյան հակամարտության լուծման համար: Ենթադրվում էր, թե հայկական և ադրբեջանական կողմերը ընդհանուր հայտարարի կգան, և հնարավոր է շրջանակային փաստաթղթի համաձայնության հասնեին: Արևմտյան դիվանագետները նույնիսկ առաջարկել են «թիկունքում խաչել մատները»` երևի թե «աչքով չտալու» համար:

Ինչպես երևում է, ինչ-որ մեկը, ամեն դեպքում, «աչքով է տվել»:

Կիրակի Շուշիում հրաշալի հարսանիք է տեղի ունեցել` Օլիվեր Ռաքեջյանը Ֆրանսիայից և Քրիստինե Մանյանը Ռումինիայից որոշել են ամուսնանալ և ապրել Ղարաբաղում: Օլիվերը, որ Ղարաբաղում ավելի շատ հայտնի է Արմեն անունով, հարսանիքին հրավիրել էր իր այն ընկերներին, որոնց հետ ծանոթացել է վերջին 5 տարում Ղարաբաղում բնակվելիս:

Զույգը հրաժարվել էև ավանդական հարսանեկան հանդերձանքից` սպիտակ զգեստից ու բաճկոնից, հարսն և փեսան հագել էին հայկական ազգային տարազ: Սակայն սա հարսանիքի ամենահետաքրքիր պահը չէր: Ամենանշանակալին այն էր, որ երկու մարդ հեռավոր երկրներից, որոնք նույնիսկ սահման չունեն Ղարաբաղի հետ, իրենց տունն ու երջանկությունը գտան:

Ղարաբաղում հուլիսն սկսվել է «Ղարաբաղ-տելեկոմի»` Ղարաբաղում բջջային և ինտերնետ կապի միակ օպերատորի գնային քաղաքականության և կապի որակի դեմ դժգոհությամբ:

Լիբանանյան կապիտալով ընկերությունը, որի գործադիր տնօրենը Ռալֆ Յիրիկյանն է («ՎիվաՍել-ՄՏՍ»-ի գործադիր տնօրեն), Ղարաբաղի կապի շուկա է մուտք գործել 2002 թ. :