Ֆինանսների նախարարությունը հայտարարել է, որ անցած երկու շաբաթում ոսկին Հայաստանում թանկացել է, ինչը ոլորտի ներկայացուցիչները բացատրում են այն հանգամանքով, որ հայաստանցիները նախընտրում են իրենց կապիտալը ոսկու տեսքով պահել:

Հայաստանում բնակվող ավելի քան 170.000 սահմանափակ կարողություններով մարդկանց հիմնական խնդիրը աշխատանք գտնելն է:

Ոլորտում ակտիվ գործունեություն ծավալող ՀԿ-ների կարծիքով՝ միակ էական առաջընթացը կարող է գրանցվել միջին ու խոշոր ընկերություններում հաշմանդամություն ունեցող մարդկանց համար աշխատատեղերի պարտադիր քանակ սահմանելով, մինչդեռ կառավարությունը դա հարցի լուծում չի համարում:

Վրաստանի տարածքում գտնվող պատմական հուշարձաններից հերթականը ոչնչանալու վտանգի առջև է կանգնած, ու միայն Հայաստանի իշխանությունների պահանջատիրությունը կարող է նպաստել, որ Վրաստանի իշխանությունները կատարեն իրենց խոստումները ու վերանորոգեն այն` համոզված է հուշարձանագետ Սամվել Կարապետյանը:

Անցյալ տարվա ապրիլին քաղաքացիների համար ավելի քան 37 տոկոսով թանկացած գազի սակագինն իր ազդեցությունը սկսեց ցույց տալ արդեն այս տարվա հունվարից, երբ մարդիկ գնացին վճարելու իրենց սպառած գազի վարձը:

Զինվորական դատախազությունն ու պաշտպանության նախարարության քննչական ծառայությունը հայտարարում են, որ բանակում հանցագործությունների թիվն ու մահվան ելքով դեպքերի թիվը 2011 թվականի ընթացքում նվազել է:

Թեպետ Զբաղվածության պետական ծառայության (ԶՊԾ) գործունեության շնորհիվ անցած մեկ տարում հնարավոր է եղել 1 տոկոսով կրճատել պաշտոնական գործազրկությունը, նույն ծառայության ներկայացուցիչները Հայաստանում զբաղվածության խնդիրները իսկապես լուծելու համար պետական ռազմավարության կարիք ունեն:

Հայաստանի կառավարությունը, ի թիվս այլ հարցերի, օրենսդրական փոփոխություն է նախաձեռնել բանակում կարգապահությունն ամրապնդելու համար: Թե որքանո՞վ այս նախաձեռնությունը կօգնի բանակում հաճախակի դարձած մահվան ելքով դեպքերը նվազեցնելուն, ցույց կտա ժամանակը:

Անցյալ տարվա ամռանից հայկական դրամը դանդաղ ու կայուն արժեզրկվում է: Տնտեսագետներն ասում են, որ արտարժույթի նկատմամբ այս անկումը շարունակվելու է որոշ ժամանակ, սակայն Հայաստանի տնտեսության համար անհանգստացնող միտում չեն համարում:

Անցյալ տարեվերջին ջրծաղիկ հիվանդության բարդացումից մահացած 6 ամսվա զինծառայող 18-ամյա Հայկ Խաչատրյանի ընտանիքի անդամները մինչև վերջ պայքարելու են` իրենց որդու մահվան մեջ մեղավորներին արժանի պատժի հասցնելու համար:

Հայաստանի ազգային գրադարանից և Երևանի պետական համալսարանի գրադարանից անցած երկու տարում մի քանի միլիոն դրամ արժողությամբ գրքեր են գողացել` հաղորդում է Հատուկ քննչական ծառայությունը: