Առաջիկա խորհրդարանական ընտրություններին ընդառաջ մի քանի հայտնի լրագրողներ չեն հերքել, որ կարող են ընդգրկվել այս կամ այն կուսակցության համամասնական ցուցակում:

Ռուսաստանից ժամանած ատոմային ոլորտի բարձրաստիճան պաշտոնյան Երևանում համոզմունք է հայտնել, որ առաջիկա տարիներին կառուցվելիք ատոմակայանի նոր էներգաբլոկը պետք է շահագործի հայկական ընկերությունը:

Ընդդիմադիր «Հայկական ժամանակ» օրաթերթի լրագրող 45-ամյա Հայկ Գևորգյանը, որն օրերս ձերբակալվել էր հետիոտնի վրաերթի ենթարկելու և փախուստի դիմելու համար և երկուշաբթի ազատ էր արձակվել, այսօր լրագրողների հետ կայացած հանդիպմանը բացառեց, որ ինքը մեքենան հետընթաց վարելիս որևէ մեկին վրաերթի է ենթարկել, և իր ձերբակալությունը կապեց իր մասնագիտական գործունեության հետ:

Հայաստանի կրթության և գիտության նախարար Արմեն Աշոտյանը «Ֆեյսբուք» սոցիալական ցանցում հանդես է եկել հայ հեթանոսական աստվածուհի Անահիտի բրոնզաձույլ արձանի բեկորները Մեծ Բրիտանիայից (ՄԲ) Հայաստան վերադարձնելու նախաձեռնությամբ: Նախաձեռնությունը ողջունել են բազմաթիվ օգտատերեր:

Խոշոր չափերի բենզինի յուրացման մեջ մեղադրվող Ճանապարհային ոստիկանության նախկին պետ Մարգար Օհանյանի դատավարության ընթացքում առաջին անգամ վկաներից մեկը նրա դեմ ցուցմունք տվեց:

Երևանում իրական «Պուտին» ակումբի գաղափարը ծաղրելու նպատակով բացվել է «կեղծ» Պուտին ակումբ: Նախաձեռնության հեղինակները «Արմքոմեդի» երգիծական կայքի անդամները և մի շարք այլ ակտիվիստներ են, ովքեր չեն կարծում, թե Հայաստանում Ռուսաստանի վարչապետ Վլադիմիր Պուտինի ակումբներ բացելը լավ գաղափար է:

Առաջիկա խորհրդարանական ընտրություններին ընդառաջ Հայաստանում ավելացել են իշխող և ընդդիմադիր քաղաքական ուժերի ներկայացուցիչների դեմ առ դեմ հանդիպումները տարբեր մամուլի ակումբներում, ինչպես նաև թեժացել են նրանց բանավեճը և միմյանց տրվող որակումները:

Այն, որ Հայաստանում զինված ուժերին վերաբերող տոն կա այս օրերին, կարելի է հասկանալ նույնիսկ Երևանի սուպերմարքեթներից մեկում վաճառվող «զինվորական համազգեստով» տորթերից: Հունվարի 28-ին` շաբաթ, կլրանա ՀՀ զինված ուժերի կազմավորման 20-րդ տարեդարձը, և, բնականաբար, կլոր հոբելյանի առթիվ տոնակատարությունները սովորականից ճոխ են:

«Լրագրողներ առանց սահմանների» հեղինակավոր կազմակերպության «Մամուլի ազատության ինդեքս 2011/2012» զեկույցում Հայաստանը 2010 թվականի համեմատությամբ 24 կետով բարելավել է իր դիրքերը` 101-րդ տեղից բարձրանալով 77-րդ հորիզոնական: Կազմակերպությունը, սակայն, այնքան էլ մեծ առաջընթաց չի համարում սա:

Տնտեսական մրցակցության պաշտպանության պետական հանձնաժողովն (ՏՄՊՊՀ) այսօր 10 միլիոն դրամով (մոտ 30 հազար դոլար) տուգանեց ազոտական պարարտանյութի շուկայում գերիշխող դիրք զբաղեցնող «Քեթրին գրուպ» ընկերությանը` իր գերիշխող դիրքը չարաշահելու համար: