Select edition
English
Հայերեն
local news, global audience
Wednesday, February 08, 2012 Last Update 05:03
Search
«Իմ թշնամին` իմ ընկերը». Երևանում տեղի ունեցան հայ-ադրբեջանական հակամարտության մասին ֆիլմերի շնորհանդեսները
Նախագիծն իրականացվում է բրիտանական «Հաշտության պաշարներ» կազմակերպության, «Ինտերնյուս» միջազգային լրատվամիջոցների զարգացման կազմակերպության Երևանի և Բաքվի գրասենյակների և Ստեփանակերտի մամուլի ակումբի օժանդակությամբ: Սա միակ հարթակն է, որի վրա տեղի են ունենում ղարաբաղցիների ու ադրբեջանցիների միջև ուղղակի շփումներ: Շնորհանդեսի ժամանակ ցուցադրվեցին «Իմ թշնամին` իմ ընկերը» և «Կովկասի զարմուհին» ֆիլմերը: Նշված ֆիլմերից առաջինը երկու իրավապաշտպանների մասին է, որոնց հաջողվել է Ղարաբաղում և Ադրբեջանում գերությունից փրկել հարյուրավոր մարդկանց: «Հաշտության պաշարներ» կազմակերպությունից նախագծի ղեկավար Ջենի Նորթոնը նշեց, որ գլխավոր նպատակն է հակամարտության երկու կողմերում գտնվող մարդկանց հնարավորություն տալ զրուցելու միմյանց հետ, հասկանալ իրար և հաղթահարել թշնամու կերպարը: «Ինտերնյուս-Հայաստան» կազմակերպությունից նախագծի համակարգող Հարություն Մանսուրյանը նշեց, որ կա ևս մի նպատակ. ցույց տալ պատերազմներում մարդկային գործոնը, ապացուցել, որ պատերազմը խնդրի լուծում չէ: Հաջողվե՞ց հասնել այս նպատակներին: «ԱրմենիաՆաուի» հետ զրույցի ընթացքում նախագծի ղարաբաղցի մասնակիցների պատասխանները միանշանակ չէին: Կինոռեժիսոր Արինա Խաչիկյանն ասաց, որ մինչ այդ երբեք չէր հանդիպել ադրբեջանցիների հետ, և նրա համար հետաքրքիր էր շփվել նրանց հետ, թեև սկզբում, իր իսկ խոսքով, շատ էր վախենում: Ռեժիսոր Արմինե Մարտիրոսյանը խոստովանեց, որ նախագիծն իր վրա ինչ-որ առումով հակառակ ազդեցություն ունեցավ. նա համոզվեց, թե ինչ դժվար է աշխատել մի կողմի հետ, որը քեզ որպես թշնամի է ընկալում: Ֆիլմերը ցուցադրվել են նաև Ղարաբաղի մայրաքաղաք Ստեփանակերտում, որտեղ բուռն բանավեճ է ընթացել: Ելույթ ունեցողներից շատերը նշել են, որ նման նախագծերը վաղաժամ են, որ լրագրողներն «առաջ են ընկնում» և թուլացնում Ղարաբաղի դիրքերը: Սակայն, նաև կարծիքներ հնչեցին, որ շփումները և համատեղ նախագծերն անհրաժեշտ են, քանի որ առանց շփումների հակառակ կողմի` որպես թշնամու կերպարի ներկայացումն ավելի կատարյալ է դառնում: Իսկ նման նախագծերի շնորհիվ հաջողվում է «կոտրել» թեկուզև ոչ մեծ խումբ մարդկանց կարծրատիպը:
Other Articles in Karabakh
|
 |
Inside Armenianow
back to top | Categories | Resources | About | Site map | Armenianow Account |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.