«Ոսկե ծիրան». փառատոնը նոր աջակիցներ է ձեռք բերել

«Ոսկե ծիրան». փառատոնը նոր աջակիցներ է ձեռք բերել

Photolure

«Ոսկե ծիրան» միջազգային կինոփառատոնն այսօր հայտարարել է, որ արդեն 7-րդ անգամ Երևանում անցկացվող և այս կիրակի մեկնարկող ամենամյա փառատոնի աջակիցներ են դարձել Հայաստանում Եվրոպական հանձնաժողովի պատվիրակությունը և Բրիտանական խորհուրդը: Նոր աջակիցների շարքում ավելացել են նաև Հայաստանում Բրազիլիայի դեսպանատունը և բրազիլահայ կինոքննադատ, գրող և կինոռեժիսոր Լեոն Կակովը (Շատարևյան), որը 1977-ին հիմնել է Սան Պաուլոյի միջազգային կինոփառատոնը:

Մեկշաբաթյա փառատոնի շրջանակներում կցուցադրվի 120 ֆիլմ, որից 44-ը կպայքարեն մրցանակների համար:

Բրիտանական խորհրդի հայաստանյան գրասենյակը հատուկ մրցանակ է սահմանել «Հայկական համայնապատկեր» անվանակարգի լավագույն կարճամետրաժ ֆիլմի համար, որը հնարավորություն կստանա մասնակցելու Մեծ Բրիտանիայի Բրիստոլի կինոփառատոնին:

Inside Armenianow