Readers' comments

Would you like to post a comment ? Be the first to share your thoughts.

Post a comment

Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.

Սեփական շուկայում հացահատիկի պակասից խուսափելու նպատակով ՌԴ կառավարությունը մինչև այս տարեվերջ արգելք է դրել ցորենի արտահանման վրա, ինչը ցորենի միջազգային շուկայում հանգեցրել է գնաճի, որն էլ իր հերթին ազդել է Հայաստանում հացահատիկի գնի վրա:

ՀՀ գյուղնախարար Գերասիմ Ալավերդյանը վստահեցնում է, որ հետագայում ցորենի գնի էական աճ չի սպասվում, և այս պահին էլ անհրաժեշտ քանակությամբ ցորենի պաշարները Հայաստան արդեն ներկրված են:

Հացահատիկի 80 տոկոսը Հայաստան է ներկրվում Ռուսաստանից: Հացի գինը Հայաստանում բարձրացել է հուլիսի վերջից:

Ռուսաստանի կողմից ցորենի արտահանման վրա արգելք դնելուց հետո հայաստանյան ներմուծող կազմակերպությունները սկսել են ցորեն ներմուծելու հնարավորություններ փնտրել Բուլղարիայում, Ղազախստանում, Ուկրաինայում, Իրանում:

Այժմ ՌԴ կառավարության հետ բանակցություններ են ընթանում աշնանը ցորենի որոշակի խմբաքանակներ ստանալու շուրջ:

«Խոսքն այն պայմանագրերի մասին է, որոնք կնքվել են, սակայն ի կատար չեն ածվել`ցորենի արտահանման էմբարգոյի կիրառումից հետո»,- ասում է Ալավերդյանը:

ՀՀ-ում տարեկան օգտագործվում է 650-720 հազար տոննա պարենային ցորեն, որի երկու երրորդը ներմուծվում է: Այս տարի սպասվում է 280 տոննա ցորենի բերք, ինչը 90 հազարով պակաս է նախորդ տարվա համեմատությամբ: Հաշվարկվել է, որ Հայաստան է ներմուծվում տարեկան գրեթե 440 հազար տոննա ցորեն:

Այսօր ցորենը ներմուծվում է 80-140 դրամով` նայած որակին, տեսակին և այլն: Գնի բարձրացումը գյուղնախարարը պայմանավորում է նաև տրանսպորտային ծախսերի ավելացմամբ:

Օրերս ՀՀ կառավարությունը հաստատել է 2010-14 թթ. ցորենի սերմնաբուծության և սերմնարտադրության ազգային ծրագիրը, ինչի իրականացման դեպքում մի քանի տարիների ընթացքում հանրապետությունում ցորենի պաշարները կբավարարեն 50-55 տոկոսով: