www.president.am
Նախագահ Սարգսյանը Ստեփանակերտում:
ՀՀ նախագահը Արցախ կատարած վերջին աշխատանքային այցի ընթացքում`օգոստոսի 29-ին, ևս մեկ անգամ հայտարարել է` ՀՀ գործունեությունը պետք է մշտապես ուղղված լինի այն բանին, որ ոչ միայն Ադրբեջանը, այլ նաև մյուս երկրները համոզված լինեն, որ բացառվում է Ղարաբաղի վերադարձն Ադրբեջանի կազմ, որ Արցախն արդեն իսկ կայացած պետություն է:
Հունիսի 17-ին Հայաստանի, Ադրբեջանի և Ռուսաստանի նախագահների 6-րդ հանդիպումից, դրան հաջորդած ադրբեջանական կողմի սադրանքից հետո, երբ Լեռնային Ղարաբաղի Մարտակերտի շրջանում ադրբեջանական կողմի իրականացրած հարձակման հետևանքով հայկական կողմից 4 զինծառայող զոհվեց, կարծես թե հանգիստ էր արձանագրվել ԼՂՀ հիմնահարցի շուրջ:
Սակայն մի քանի փաստեր կրկին ուշադրությունը բևեռեցին ղարաբաղյան խնդրի վրա. Ադրբեջանը հերթական հակահայկական բանաձևի նախագիծ է առաջ քաշել ՄԱԿ-ի Գլխավոր ասամբլեայի 64-րդ նստաշրջանում, որը կկայանա սեպտեմբերի 9-ին, օգոստոսի 20-ին ռուս-հայկական արձանագրության համաձայն ռազմակայանի տեղակայման ժամկետը երկարաձգվեց մինչև 2044 թվականը, իսկ սեպտեմբերի 2-3-ը սպասվում է Ռուսաստանի նախագահի պաշտոնական այցը Ադրբեջան:
Ինչպես հաղորդում է ՀՀ նախագահի պաշտոնական կայքը, Սերժ Սարգսյանը նշել է, որ Ադրբեջանի կողմից առաջադրված «Ադրբեջանի գրավյալ տարածքներում մարդու իրավունքների ոլորտում միջազգային հումանիտար իրավունքի և միջազգային ստանդարտների նորմերի պահպանումը» բանաձևի ընդունելը կամ չընդունելը չեն կարող էական ազդեցություն ունենալ Արցախի և Հայաստանի ո′չ քաղաքական, ո′չ տնտեսական կյանքում, ո′չ էլ անվտանգության բնագավառում: Նախագահը համոզված է, որ այդ բանաձևին կողմ կքվեարկեն միայն իսլամական երկրները, որոնք մշտապես համերաշխություն են ցուցաբերում Ադրբեջանի հետ:
«Բայց վստահ եմ, որ բոլոր այն երկրները, որոնք ցանկանում են, որպեսզի այդ հարցը լուծվի խաղաղ ճանապարհով և բանակցությունների միջոցով, դեմ են քվեարկելու այս բանաձևին: Առնվազն, գոնե ձեռնպահ են մնալու, որովհետև նրանք շատ լավ գիտակցում են, որ այդպիսի բանաձևերի ընդունումը չի կարող որևէ դրական ազդեցություն ունենալ բանակցային գործընթացի վրա»,- ասել է ՀՀ նախագահը:
Նշենք, որ ձեռնպահ մնալու պարագայում անգամ, եթե բանաձևի օգտին քվեարկող երկրների թիվը գերազանցի դեմ քվեարկողների թվին, բանաձևը կընդունվի, ինչպես եղավ, օրինակ` 2008 թ.:
English
Հայերեն
back to top 
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.