Ոչ կինոթատրոն, ոչ էլ բժշկական կենտրոն. ճգնաժամի հետևանքով Վանաձորում դադարեցվում են խոշոր շինարարական նախագծերը
Վանաձորի վերականգնողական կենտրոնի կիսակառույց շենքը
Մայիսին Վանաձորի կենտրոնում արդեն պատրաստ պետք է լիներ առողջապահական-վերականգնողական կենտրոնը, իսկ տարեսկզբին պետք է մեկնարկեր կինոթատրոնի շինարարությունը:
Սակայն համաշխարհային տնտեսական ճգնաժամը խառնեց բոլոր հաշիվները Հայաստանի երրորդ քաղաքում, և երկու շինարարական նախագծերն այժմ դադարեցվել են: Մայիսին Վանաձորի կենտրոնում արդեն պատրաստ պետք է լիներ առողջապահական-վերականգնողական կենտրոնը, իսկ տարեսկզբին պետք է մեկնարկեր կինոթատրոնի շինարարությունը:
Սակայն համաշխարհային տնտեսական ճգնաժամը խառնեց բոլոր հաշիվները Հայաստանի երրորդ քաղաքում, և երկու շինարարական նախագծերն այժմ դադարեցվել են:
Վանաձորի քաղաքապետարանի քաղաքաշինության և ճարտարապետության բաժնի պետ Տիգրան Պապանյանը հավաստում է, որ ճգնաժամը, իսկապես, արդեն Վանաձորում է՝ իր բոլոր դրսևորումներով ու հետևանքներով:
«Պայմանավորվածություն կար, որ այս տարի` եղանակները տաքանալուն պես շինարարությունը կսկսվի: Բայց իմացանք, որ ճգնաժամի հետևանքով նրանք չեն կարող սկսել շինարարությունը, և մինչև աշուն դեռևս հույս չկա, որ աշխատանքները կսկսվեն»,- Պապանյանը ներկայացնում է զրույցը Վանաձորի կենտրոնական «Արցախ» պուրակում կառուցվելիք կինոթատրոնի սեփականատիրոջ՝ «Պարադիզ» ընկերության հետ:
«Արցախ» պուրակի կեսը դեռևս 3 տարի առաջ՝ 2006-ին, վաճառելով «Պարադիզին» պատկանող «Կինոթատրոն Մոսկվա» ՍՊԸ-ին` քաղաքային իշխանությունները հույս ունեին, որ 3 տարի անց պուրակում կկառուցվի կինոթատրոն երկու դահլիճներով ու բարեկարգված պուրակով:
«Պարադիզը» վանաձորցիներին խոստացել էր 250 տեղանոց մեծ և 50 տեղանոց փոքր դահլիճներով կինոթատրոն` ապահովված ժամանակակից թվային սարքավորումներով:
«Կինոթատրոն Մոսկվա» ՍՊԸ գլխավոր տնօրեն Մարտուն Ադոյանն ասում է, որ ճգնաժամը խառնեց ամեն ինչ. «Արդեն պետք է սկսեինք հողային աշխատանքները, բայց երևի աշնանը նոր միայն կարողանանք աշխատել»,- Ադոյանը նկատում է, որ եթե աշնանն անգամ հնարավոր չլինի կինոթատրոնի հիմքերը գցել, ապա հաջորդ տարվա գարնանն անպայման ամեն ինչ կանեն, որպեսզի հողային աշխատանքները կատարեն:
Պուրակից քիչ հեռու գտնվող տարածքում ևս դադարել են շինարարական աշխատանքները: Կիսակառույց առողջապահական-վերականգնողական կենտրոնի շինհրապարակում վերջին անգամ բանվորներն աշխատել են անցյալ տարեվերջին: Այս տարվա հինգ ամիսներին որևէ քար չի շարվել:
Պապանյանը սա ևս կապում է տնտեսական ճգնաժամի հետ, մինչդեռ կենտրոնի և դրա հողատարածքի սեփականատեր երևանցի գործարար Ռաֆայել Մանուչարյանը ճգնաժամի ազդեցությունից չէ, որ դադարեցրել է շինարարությունը:
Նրա խոսքով` կենտրոնի կառուցումը իր միակ բիզնեսը չէ, և մինչև տարեվերջ կհասցնի ավարտին հասցնել այն: Համաձայն շինարարության թույլտվության` Մանուչարյանն այն ավարտելու էր այս ամիս: Բայց հաշվի առնելով, որ նա համարյա կես տարի ուշ էր սկսել շինարարական աշխատանքները, ժամկետը հետաձգվել էր ևս կես տարով:
Չնայած արդեն մեկ տարի է, ինչ 600 քառակուսի մետր տարածքում սկսել են կենտրոնի կառուցումը, եռահարկ շենքի անգամ տանիքը պատրաստ չէ: Վկայակոչելով «Քաղաքաշինության մասին» ՀՀ օրենքը` Պապանյանն ասում է, թե շինարարն իրավունք ունի նաև սահմանված ժամկետից 2 տարի հետո էլ ավարտել աշխատանքը:
Վանաձորում, այսուհանդերձ, հույս ունեն, որ հիմնականում տնտեսական ճգնաժամի հետևանքով կիսակառույցներն այդպես երկար չեն մնա և, ի վերջո, մի օր ավարտին կհասցվեն:
Նույն լավատեսական տրամադրությունն ունեն նաև քաղաքի կենտրոնում կառուցվող էլիտար շենքի սեփականատերերը: «Վիպմերգ» ՍՊԸ տնօրեն Արթուր Վարդանյանը թեև անորոշ ժամկետով դադարեցրել է շինարարությունը, բայց մոտ ապագայում կրկին աշխատելու հույսը չի կորցնում:
«Ճգնաժամն ազդել է շինարարության վրա»,- ասում են Վանաձորի քաղաքապետարանում ու վկայակոչում այս տարվա աճուրդային վիճակագրությունը:
Պապանյանն օրինակ է բերում քաղաքապետարանի հայտարարած վերջին աճուրդը: Աճուրդի հանված 17 լոտից վաճառվեցին միայն երկուսը:
«15-ի համար նույնիսկ մասնակցելու ցանկացող չեղավ»,- ասում է Պապանյանը` հավելելով, որ սովորաբար աճուրդներում 1-2 լոտ գնորդ չէր ունենում: Մինչդեռ այսօր պատկերը հիմնովին փոփոխվել է անգամ աճուրդային ցածր գների պարագայում:
Վանաձորի քաղաքապետարանում թեպետ ճգնաժամային իրավիճակից դուրս գալու ելքեր են փնտրում, բայց տեղական բյուջեն լցնելու համար որոշել են համարյա տասնապատիկ բարձրացնել մինչև 100 քառակուսի մետր վաճառվող հողատարածքի գները: Հակառակ դեպքում տնտեսական ճգնաժամը կհարվածի նաև քաղաքի բյուջեին:
Սակայն համաշխարհային տնտեսական ճգնաժամը խառնեց բոլոր հաշիվները Հայաստանի երրորդ քաղաքում, և երկու շինարարական նախագծերն այժմ դադարեցվել են: Մայիսին Վանաձորի կենտրոնում արդեն պատրաստ պետք է լիներ առողջապահական-վերականգնողական կենտրոնը, իսկ տարեսկզբին պետք է մեկնարկեր կինոթատրոնի շինարարությունը:
Սակայն համաշխարհային տնտեսական ճգնաժամը խառնեց բոլոր հաշիվները Հայաստանի երրորդ քաղաքում, և երկու շինարարական նախագծերն այժմ դադարեցվել են:
Վանաձորի քաղաքապետարանի քաղաքաշինության և ճարտարապետության բաժնի պետ Տիգրան Պապանյանը հավաստում է, որ ճգնաժամը, իսկապես, արդեն Վանաձորում է՝ իր բոլոր դրսևորումներով ու հետևանքներով:
«Պայմանավորվածություն կար, որ այս տարի` եղանակները տաքանալուն պես շինարարությունը կսկսվի: Բայց իմացանք, որ ճգնաժամի հետևանքով նրանք չեն կարող սկսել շինարարությունը, և մինչև աշուն դեռևս հույս չկա, որ աշխատանքները կսկսվեն»,- Պապանյանը ներկայացնում է զրույցը Վանաձորի կենտրոնական «Արցախ» պուրակում կառուցվելիք կինոթատրոնի սեփականատիրոջ՝ «Պարադիզ» ընկերության հետ:
«Արցախ» պուրակի կեսը դեռևս 3 տարի առաջ՝ 2006-ին, վաճառելով «Պարադիզին» պատկանող «Կինոթատրոն Մոսկվա» ՍՊԸ-ին` քաղաքային իշխանությունները հույս ունեին, որ 3 տարի անց պուրակում կկառուցվի կինոթատրոն երկու դահլիճներով ու բարեկարգված պուրակով:
«Պարադիզը» վանաձորցիներին խոստացել էր 250 տեղանոց մեծ և 50 տեղանոց փոքր դահլիճներով կինոթատրոն` ապահովված ժամանակակից թվային սարքավորումներով:
«Կինոթատրոն Մոսկվա» ՍՊԸ գլխավոր տնօրեն Մարտուն Ադոյանն ասում է, որ ճգնաժամը խառնեց ամեն ինչ. «Արդեն պետք է սկսեինք հողային աշխատանքները, բայց երևի աշնանը նոր միայն կարողանանք աշխատել»,- Ադոյանը նկատում է, որ եթե աշնանն անգամ հնարավոր չլինի կինոթատրոնի հիմքերը գցել, ապա հաջորդ տարվա գարնանն անպայման ամեն ինչ կանեն, որպեսզի հողային աշխատանքները կատարեն:
Պուրակից քիչ հեռու գտնվող տարածքում ևս դադարել են շինարարական աշխատանքները: Կիսակառույց առողջապահական-վերականգնողական կենտրոնի շինհրապարակում վերջին անգամ բանվորներն աշխատել են անցյալ տարեվերջին: Այս տարվա հինգ ամիսներին որևէ քար չի շարվել:
Պապանյանը սա ևս կապում է տնտեսական ճգնաժամի հետ, մինչդեռ կենտրոնի և դրա հողատարածքի սեփականատեր երևանցի գործարար Ռաֆայել Մանուչարյանը ճգնաժամի ազդեցությունից չէ, որ դադարեցրել է շինարարությունը:
Նրա խոսքով` կենտրոնի կառուցումը իր միակ բիզնեսը չէ, և մինչև տարեվերջ կհասցնի ավարտին հասցնել այն: Համաձայն շինարարության թույլտվության` Մանուչարյանն այն ավարտելու էր այս ամիս: Բայց հաշվի առնելով, որ նա համարյա կես տարի ուշ էր սկսել շինարարական աշխատանքները, ժամկետը հետաձգվել էր ևս կես տարով:
Չնայած արդեն մեկ տարի է, ինչ 600 քառակուսի մետր տարածքում սկսել են կենտրոնի կառուցումը, եռահարկ շենքի անգամ տանիքը պատրաստ չէ: Վկայակոչելով «Քաղաքաշինության մասին» ՀՀ օրենքը` Պապանյանն ասում է, թե շինարարն իրավունք ունի նաև սահմանված ժամկետից 2 տարի հետո էլ ավարտել աշխատանքը:
Վանաձորում, այսուհանդերձ, հույս ունեն, որ հիմնականում տնտեսական ճգնաժամի հետևանքով կիսակառույցներն այդպես երկար չեն մնա և, ի վերջո, մի օր ավարտին կհասցվեն:
Նույն լավատեսական տրամադրությունն ունեն նաև քաղաքի կենտրոնում կառուցվող էլիտար շենքի սեփականատերերը: «Վիպմերգ» ՍՊԸ տնօրեն Արթուր Վարդանյանը թեև անորոշ ժամկետով դադարեցրել է շինարարությունը, բայց մոտ ապագայում կրկին աշխատելու հույսը չի կորցնում:
«Ճգնաժամն ազդել է շինարարության վրա»,- ասում են Վանաձորի քաղաքապետարանում ու վկայակոչում այս տարվա աճուրդային վիճակագրությունը:
Պապանյանն օրինակ է բերում քաղաքապետարանի հայտարարած վերջին աճուրդը: Աճուրդի հանված 17 լոտից վաճառվեցին միայն երկուսը:
«15-ի համար նույնիսկ մասնակցելու ցանկացող չեղավ»,- ասում է Պապանյանը` հավելելով, որ սովորաբար աճուրդներում 1-2 լոտ գնորդ չէր ունենում: Մինչդեռ այսօր պատկերը հիմնովին փոփոխվել է անգամ աճուրդային ցածր գների պարագայում:
Վանաձորի քաղաքապետարանում թեպետ ճգնաժամային իրավիճակից դուրս գալու ելքեր են փնտրում, բայց տեղական բյուջեն լցնելու համար որոշել են համարյա տասնապատիկ բարձրացնել մինչև 100 քառակուսի մետր վաճառվող հողատարածքի գները: Հակառակ դեպքում տնտեսական ճգնաժամը կհարվածի նաև քաղաքի բյուջեին:
Source URL: http://www.armenianow.com/node/9873