| ഀ
Միջավայր` փոփոխությունների համար. նախկին նախարարի համոզմամբ` խտրականության իսկական թիրախն ինտելեկտն է ഀ
Գայանե Աբրահամյան
ഀ
«ԱրմենիաՆաուի» թղթակից
ഀ
ഀ
Կարինե Դանիելյանը նորանկախ Հայաստանի առաջին կանանցից էր, որոնք կոտրեցին ավանդական գենդերային կարծրատիպերը` խոհանոցից տեղափոխվելով կառավարական շենք: ഀ
ഀ
1990 թվականին Դանիելյանին նշանակում են Երևանի փոխքաղաքապետ, իսկ 1991-ին` բնապահպանության նախարար: ഀ
ഀ
ഀ
ഀ
 ഀ
«Համոզված եմ, որ կինը ստիպված է շատ ավելի պրոֆեսիոնալ լինել…» | ഀ
ഀ
Կոչումով բնապահպան Դանիելյանն իր գործի կարևորությունը զգաց 80-ականներին, երբ բարձրացվեցին «Նաիրիտի» ընդլայնման և Հայաստանում ատոմակայանի թափոնների տարածաշրջանային գերեզմանոց կառուցելու ծրագրերը:ഀ
ഀ
«Այս խնդիրներից ձևավորվեց բնապահպանական շարժումը, որի հիմնադիրներից եմ: Մինչև վերջ պայքարեցինք, ու Հայաստանը փրկվեց թափոնների գերեզման դառնալու աղետից»,- ասում է Դանիելյանը:ഀ
ഀ
Նախկին նախարարը դժվար ճանապարհ հարթեց էկոլոգիական աղետի մեջ գտնվող Հայաստանի համար, սակայն դժվարություններին փոխարինեցին հիասթափությունները, և նա հասկացավ, որ վերևներում ուզում են, որ իրենց չխանգարի: ഀ
| ഀ
ഀ
ഀ
«Ես հետո իմացա, որ 1991-ին ստեղծված բնապահպանության նախարարությունը զուտ ձևական կառույց է, և ես շատ բան փոխել չկարողացա: Բոլորն էլ ասում էին` թող Կարինեն զբաղվի իր բնապահպանությամբ, բայց մեզ չխանգարի»,- ասում է Դանիելյանը:ഀ
ഀ
Սակայն Դանիելյանը միշտ էլ խանգարել է, ոչ որպես կին, այլ միայն որպես բնապահպան: ഀ
ഀ
«Առանձնապես խտրականություն չեմ զգացել, բայց համոզված եմ, որ կինը ստիպված է շատ ավելի պրոֆեսիոնալ լինել, քան կողքի տղամարդիկ, որպեսզի չասեն, որ կնոջ մազը երկար է, խելքը` կարճ… Եթե տղամարդու շատ սխալներ ներվում են, կնոջը սխալվելու իրավունք չի տրվում»,- ասում է Դանիելյանը: ഀ
ഀ
Դանիելյանի համար աշխատանքային միակ դիսկոմֆորտը որպես կին եղել են կառավարության նիստերը, որտեղ բոլորն առանց բացառության տղամարդիկ էին: ഀ
ഀ
«Այնտեղ պետք է շատ զգույշ լինեի, քանզի մեկ սխալը բավական էր, որ ասեին. «Դե, կին ա, էլի»: ഀ
ഀ
Ամենաակտիվ բնապահպանի կարծիքով` քաղաքականության մեջ մտնում են միայն այն կանայք, ովքեր ունեն ներքին մեծ մղում որևէ հասարակական հիմնահարց լուծելու համար: ഀ
ഀ
«Կանայք հարստանալու, վայելքներ ունենալու շատ ուրիշ ճանապարհներ ունեն, քաղաքականության դժվարին ճանապարհը վայելքներին հասնելու լավագույն միջոցը չէ, այսինքն` նրանք տղամարդկանց նման իշխանություն, փող և դրանից բխող բոլոր վայելքներին տիրանալու համար չեն գալիս քաղաքականություն, այլ հուզող խնդիրները լուծելու համար: Այդ պատճառով էլ շատ ավելի սկզբունքային են, հետամուտ իրենց առաջ դրված հիմնախնդիրների լուծմանը»,- ասում է Դանիելյանը:ഀ
ഀ
Նրա համոզմամբ` այսօր խտրականության թիրախը ոչ թե կինն է, այլ ինտելեկտը:ഀ
ഀ
«Այսօր առկա է ինտելեկտի ֆեմինիզացում, ինչը բնորոշ է անցումային շրջանի երկրներին: Այսօր աղջիկները ավելի լավ սովորող են, գիտությանը նվիրված: Բայց չկա սոցիալական պատվեր` որոշում ընդունող մակարդակներում ինտելեկտուալ մարդկանց ընդգրկելու: Եթե լուծվի այդ խնդիրը, ինքնըստինքյան, կանայք կգրավեն ավելի բարձր պաշտոններ»: ഀ
ഀ
Ըստ Դանիելյանի` ինչպես բնության մեջ իգական և արական սեռի տարբեր պոտենցիալները զուգակցվում և հավասարակշռում են միմյանց, այդպես էլ պետք է լինի հասարակության և դրա կառավարման մեջ, իսկ քանի դեռ անտեսվում է կանանց ներուժը, հասարակության լիարժեք զարգացումն անհնար է:ഀ
ഀ
ഀ
ഀ
ഀ
ഀ
ഀ
ഀ
|
ഀ
ഀ
