| ഀ
Բարեփոխումների ջատագովը. ՀԺԿ մամուլի խոսնակը պայքարում է հանուն փոփոխությունների ഀ
Գայանե Աբրահամյան
ഀ
«ԱրմենիաՆաուի» թղթակից
ഀ
ഀ
«Էլի գնում ես փողոցները չափչփելո՞ւ: Երևանի կենտրոնում մի տեղ չկա, որտեղ քո ոտնահետքերը չլինեն»,- ասում է Հայաստանի ժողովրդական կուսակցության քաղխորհրդի անդամ, ամենաակտիվ ընդդիմադիր կին գործիչ Ռուզան Խաչատրյանի դեռահաս աղջիկը, երբ նա գնում է հանրահավաքի: ഀ
ഀ
ഀ
ഀ
 ഀ
«Հենց կանայք են միշտ իրենց ուսերին կրել ամենածանր բեռը» | ഀ
ഀ
Նախկին լրագրող և քաղաքական մեկնաբան, այսօր ՀԺԿ և ԱԺ «Արդարություն» խմբակցության լրատվական ծառայության ղեկավար Խաչատրյանը քաղաքականության մեջ վաղուց է, բայց ոչ որպես քաղաքական գործիչ, այլ քաղաքական գործընթացները մեկնաբանող: ഀ
ഀ
«Երևի այդքանով էլ բավարարվեի, եթե չլինեին 88 թվականն ու անկախությունը: ഀ
Այդ տարիներին ես որպես լրագրող անընդհատ հակասությունների մեջ էի Ազգային (հանրային) հեռուստատեսության ղեկավարության հետ, քանի որ տեսնում էի, թե անկախությունից հետո իշխանությունն ինչպես է աղավաղում քաղաքական գործընթացները, և չէի կարող լռել»:ഀ
ഀ
Իշխանությունների անօրինականությունների մասին ֆիլմ նկարահանելուց և այդ ֆիլմը ցուցադրելու պահանջից հետո Խաչատրյանին 1994 թվականից հեռացնում են հեռուստատեսությունից: ഀ
ഀ
«Ես չհասա նրան, որ ցուցադրեն իմ ֆիլմը, բայց իրավիճակն այնպես սրեցի, որ ինձ հեռացրեցին աշխատանքից»,- ժպիտով վերհիշում է Խաչատրյանը:ഀ
ഀ
Խաչատրյանը վերադարձավ հեռուստատեսություն 1997-ին` քաղաքական հաղորդումներ չանելու պայմանով, և ստեղծեց հեղինակային «Հայուհի» թոք-շոուն, որտեղ հնարավորություն էր տալիս կանանց արտահայտելու իրենց կարծիքը տիրող իրավիճակի, այդ թվում` քաղաքական գործընթացների մասին:ഀ
| ഀ
ഀ
Անկուսակցական լինելու իր սկզբունքին, որին հետևում էր անգամ խորհրդային տարիներին, Խաչատրյանը դավաճանեց 1998 թվականին` տեսնելով «ընտրությունների սարսափելի կեղծիքները» և որպես բողոքի նշան անդամագրվեց Կարեն Դեմիրճյանի հիմնադրած ՀԺԿ-ին: ഀ
ഀ
Հոկտեմբերի 27-ի ականատես, ցույցեր կազմակերպելու և մասնակցելու համար ձերբակալված Խաչատրյանը 2000 թվականին կրկին հեռացվեց հեռուստատեսությունից` այս անգամ կուսակցական պատկանելության համար:ഀ
ഀ
«Հոկտեմբերի 27-ը շատ բան փոխեց իմ մեջ: Բացի այն, որ իմ աչքերով տեսա այդ ոճրագործությունը, տեսա նաև, թե ինչ անարդարություններով է իրականացվում դատավարությունը: Հասկացա, որ այսպես չի կարող շարունակվել, ഀ
պետք է պայքարել»,- ասում է Խաչատրյանը:ഀ
ഀ
Պայքարի ելած կինն ասում է, որ կանայք ավելի ակտիվ ու համարձակ են դարձել, բայց խիստ կասկածում է, որ քաղաքական էլիտան կհանդուրժի նման կանանց: ഀ
ഀ
«Քաղաքական էլիտան շատ ավելի հետադեմ է, քան հասարակությունը: ഀ
Երբ մասնակցեցի Կենտրոն համայնքի թաղապետի ընտրություններին, համոզվեցի, որ հասարակությունը գրեթե 100 տոկոսով պատրաստ է ընդունելու կնոջը քաղաքականություն»:ഀ
ഀ
Խաչատրյանի կարծիքով` դրան մեծապես նպաստել են այսօրվա քաղաքական գործիչները, քանի որ քաղաքականությունը շեշտված տղամարդու դեմք ունի: ഀ
ഀ
«Եվ այդ դեմքն այնքան էլ համակրելի չէ: Մարդիկ զգում են կնոջը քաղաքականություն բերելու անհրաժեշտությունը»,- ասում է Խաչատրյանը: ഀ
ഀ
Նա պայքարում է ինչպես անարդարությունների, այնպես էլ այն տարածված կարծիքի դեմ, թե քաղաքականությունը կնոջ խելքի բանը չէ: ഀ
ഀ
«Ասում են` ծանր գործ է: Բայց հենց կանայք են միշտ իրենց ուսերին կրել ամենածանր գործերը»: ഀ
ഀ
ഀ
ഀ
ഀ
ഀ
ഀ
|
ഀ
ഀ
