«ԱրմենՏել» ընկերությունը սկսել է երկարաժամկետ համագործակցության ծրագիր «Դասական երաժշտության զարգացման» հիմնադրամի հետ, որի արդյունքում Հայաստանի տարբեր մարզերում կբացվեն թավջութակի դասարաններ:

Ծրագրի շրջանակներում Արամ Խաչատրյանի անվան եռյակը կանցկացնի համերգներ և վարպետության դասեր, առավել տաղանդավոր և հեռանկարային աշակերտներին կտրամադրվեն կրթաթոշակներ:

«ԱրմենՏել» ընկերությունը, լինելով Հայաստանի խոշորագույն ազգային օպերատոր, գիտակցում է իր դերը շնորհալի երիտասարդների դաստիարակության գործում, ովքեր արժանապատվորեն կշարունակեն հայկական դասական երաժշտության փառավոր ավանդույթները»,- ասել է «ԱրմենՏել» ընկերության գլխավոր տնօրեն Իգոր Կլիմկոն: