Քարե Նարեկ «Ի խորոց սրտի խոսք ընդ Աստուծո»

Ավանի Նարեկացի թաղամասում բացվել է հին ձեռագիր մատյան հիշեցնող հսկայական մի գիրք-հուշարձան, որի բացված էջերից մեկին քանդակված է Գրիգոր Նարեկացին, իսկ մյուսին փորագրված խաչը երիզված է նրա «Մատյան ողբերգության» կամ «Նարեկ» երկի տողերով: «Նարեկը» սոսկ գրական գործ չէ, այլ «սրտի հոգոց», խոնարհ հավատքի և փրկության աղբյուր: Քանդակագործ վարպետը` Ավանի բնակիչ Համլետ Մատինյանը, վեց ամիս շարունակ, գիշեր ու զօր աշխատել է հուշարձանի վրա` առանց վարձատրության: Բացման արարողությանը ներկա էին ՀՀ նախագահը, Երևանի քաղաքապետը և այլ պաշտոնյաներ: