Որոշում 2013. Հայաստանի առաջին նախագահի խոսքով` բոլոր յոթ թեկնածուներն էլ ավելի քան արժանի են

Հայաստանի առաջին նախագահ Լևոն Տեր-Պետրոսյանը, ով քվեարկել է թիվ 9/11 ընտրատեղամասում, ասել է, որ քվեարկում է «հանուն Հայաստանի Հանրապետության»: Լևոն Տեր-Պետրոսյանի խոսքով` բոլոր յոթ թեկնածուներն ավելի քան արժանի են, և կատակել է, որ հնարավորության դեպքում բոլորի օգտին էլ կքվեարկեր:

2008-ի նախագահական ընտրություններում Տեր-Պետրոսյանն ահեղ մրցակից էր և առաջնորդում էր ընդդիմության պայքարը բազմահազարանոց հանրահավաքներով և բողոքի երթերով: Այս ամենն ավարտվեց հետընտրական բռնություններով, որի հետևանքով 10 մարդ մահացավ, տասնյակ մարդիկ ձերբակալվեցին, բազմաթիվ մարդիկ էլ վնասվածքներ ստացան: 68-ամյա քաղաքական գործիչը չի մասնակցում այս ընտրություններին` վկայակոչելով միայն իր տարիքը:

Նախագահ Սերժ Սարգսյանը, ով ավելի վաղ քվեարկել էր նույն ընտրատեղամասում, հայտարարել է, որ քվեարկել է «հանուն Հայաստանի ապագայի»: