Անհանգստություն կենտրոնում. առճակատում Ազատության հրապարակի հարակից տարածքում
Ազատության հրապարակի հարակից փողոցները վերածվել են իրավապահների ու մարդկանց կատաղի բախման վայրի, այն բանից հետո, երբ քաղաքում լուրեր են տարածվել, որ զորքը գրավել է հրապարակը, որտեղ Լևոն Տեր-Պետրոսյանի կողմնակիցները ճամբար էին խփել (տես հոդվածները ստորև):
Թումանյան-Մաշտոց, Տերյան-Թումանյան, Տերյան-Թումանյան, Մաշտոց-Սայաթ- Նովա և Սայաթ-Նովա-Տերյան խաչմերուկներում հավաքվում են մարդիկ, որոնք երբեմն ցրվում են, երբ մարդկանց հետապնդող ոստիկանները մխրճվում են նրանց մեջ:
Ոստիկանությունը հարակից տարածքներում վերահսկվում էր իրավիճակը` հորդորելով մարդկանց չխմբվել:
Շատ վիրավորներ հրաժարվում են հիվանդանոց գնալ` վախենալով ձերբակալվելուց:
Միկրոավտոբուսներով լի ոստիկանները ժամանում են տարբեր կետեր` համալրելու բազմաքանակ իրավապահ մարմիններին: